Руските пропагандни експерти во привремено окупираниот Крим излегуваат со нови лажни приказни во врска со НАТО – иако почнуваат да препознаваат дека Украина е всушност валиден актер на меѓународната сцена, тие инсистираат дека нејзините вооружени сили се борат во интересите на Алијансата, беше истакното за време на прес-конференцијата „Факси за НАТО во окупираниот Крим“ организирана од Укринформ.
Какви акценти става руската пропагандна машинерија за да ги дискредитира НАТО – Алијансата која обезбедува безбедност – и Украина заедно со нејзините одбранбени сили?
Првата дезинформациај е следната: „НАТО планира да ја уништи Русија во името на Украина. “, истакна претседателот на Управниот одбор на Ресурсниот центар на Кримскиот Татар, Ескендер Бариев, кој е и шеф на Одделот за правни и надворешни работи во Меџлисот на Кримскиот Татар.
Тој потсети дека претходно Русија тврдеше дека ја започнала таканаречената „специјална воена операција“ со цел да го спречи распоредувањето на воените бази на НАТО во Украина. Сега руските медиуми,Телеграм каналите и експертите ја убедуваат својата публика дека целта на војната е да се спречи НАТО да ја уништи Русија.
Така, Украина станува валиден актер во нивните пропагандни наративи. Ваквата дезинформација се шири со цел да се формира перцепција за „света народна војна“ и да се охрабрат Русите да и се приклучат.
Друг тренд на руска дезинформација, изразен од Бариев е тврдењето дека вооружените сили на Украина „се борат исклучиво во интерес на НАТО“.
Претходно руските медиуми тврдеа дека Руската Федерација е во војна со НАТО, дека со вооружените сили на Украина раководат претставници од Алијансата и дека во редовите на украинската армија се борат странски платеници.
Новата теза е дека Руската Федерација е во војна со Украина, но Украинците ги бранат интересите што ги следат САД и другите членки на Алијансата. Во исто време, НАТО „се обидува да стане полноправна страна во конфликтот“.
Третиот тренд е изјавата дека „украинскиот народ стана жртва на политиката на НАТО“, истакна Бариев. Според него, овој наратив доби широка покриеност од почетокот на годината. На овој начин, Русите се обидуваат да ја префрлат вината за сопствените злосторства врз Алијансата и да убедат барем дел од Украинците дека НАТО е тој што ја испровоцирал војната. Тие тврдат дека жртвите на украинската нација биле залудни, притискајќи го народот да изврши притисок врз раководството на земјата, барајќи мировни преговори со Руската Федерација без посредство на Западот.
Според Бариев, Русите се надеваат дека жителите на Крим ќе веруваат во овие лажни приказни и ќе ги убедат своите семејства и пријатели на неокупираните територии да го следат примерот.
Менаџерот на Ресурсниот центар на Кримскиот татар, Серхиј Пархоменко, во одговор на прашањето како се промениле руските пропагандни фалсификати во текот на годината, заклучил дека првите шест месеци од целосната инвазија, пропагандистите тврделе дека тоа биле војници на НАТО и „нацисти“ кои се бореле против Русија во Украина.
Од август 2022 година, има тврдења дека Украина е всушност страна во конфликтот, но не се бори да ги брани своите интереси, туку оние на нивните „странски господари“.
Во зимата 2023 година, медиумите на државата агресор признаа дека нивната армија војува со Украина, но тие го објаснија тоа со тврдењето дека НАТО ги измамил Украинците, обидувајќи се да ја уништи Руската Федерација на пространството на Украина.
Кон крајот на минатата година, Ресурсниот центар на Крим состави листа на најсмешните фалсификати за НАТО што ги шират руските пропагандни медиуми во привремено окупираниот Крим:
-Целта на Мајдан беше да се постават бази на НАТО на Крим;
-НАТО постави лабораторија за биолошко оружје во Украина;
-Специјалните служби на НАТО ја координираа операцијата во која Украина киднапира руски авиони;
-Ако НАТО го нападне Крим, Русија ќе го нападне Лондон;
-САД обезбедуваат заеми за Украина, како што тоа го направија на Германија за време на Втората светска војна;
-НАТО ја смета Украина за еднократно средство за војна со Русија.
Подготви: Д. Мишев / ЦИВИЛ Медиа
