пишува: ПЕТРИТ САРАЧИНИ
Како никогаш досега, за љубителите на сите идеологии, бои и нијанси на политичкиот спектар, на овие избори ќе има јасна и конкретна политичка понуда.
Има понуда за антинационалистите, оние што сакаат еднаквост и можности за напредок за сите граѓани подеднакво, без оглед на припадноста.
Секако, има понуда и за националистите, оние што сакаат „чиста“ Македонија.
Ќе има понуда и за оние што сакаат да чекорат напред, но и за оние кои сакаат да се чекорат назад. Ќе има Борба меѓу Северна Македонија и ФИРОМ.
На овие избори имате и прозападни, но и ачик про-руски понуди. Понуда има и за умерените десно и лево, но и за радикалните левичари, како и за радикалните десничари. И за национал-социјалистите, и за ванчовистите.
Ќе има понуда и за верници и за атеисти, и за антисемити, и за демо- христијани, но и за демо-муслимани.
Но, она што најмногу радува е што на овие избори има јасна понуда и за неутралците, за оние што од време на време не се бават со политика, оние што гледаат со едно око, оние што ја гледаат раската во туѓото а не гредата во своето око, оние што гледаат отстрана…
Нема само понуда за оние 1 милион бојкотери кои би викнале јако „Никогаш Северна, никогаш во Пaрламентот на Северна, никогаш плата од Северна, дневници од Северна, никогаш потпис на документ со Северна..“, а има изборна понуда полна како око, за избори за пратеници на Собранието на Република Северна Македонија?!
Сите права се задржани. УСЛОВИ ЗА КОРИСТЕЊЕ.
