Зоран Заев се заблагодари на мировната награда од Економската заедница на Вестфалија и Липе и нагласи дека тоа признание ги потврдува заложбите на прогресивните и европски политики кои градат траен мир. Значајна е за сите луѓе во Северна Македонија и во Грција кои градат пријателски и добрососедски односи базирани на меѓусебна почит и разбирање, подвлече Заев.
„ Ми претставува особена чест и изразувам голема благодарност до Економската заедница на Вестфалија и Липе за доделувањето на престижната меѓународна мировна награда на Вестфалија. Наградата не е значајна само за мене како поранешен премиер на Република Северна Македонија.
Таа е значајна затоа што ги потврдува заложбите на прогресивните и европски политики кои градат траен мир. Значајна е за сите луѓе во Северна Македонија и во Грција кои градат пријателски и добрососедски односи базирани на меѓусебна почит и разбирање.
Нека оваа награда биде стимул за сите оние кои носат сериозни одлуки и за идните генерации дека не постои конфликт кој не може да се реши низ дијалог и пријателство.“ напиша Заев на Фејсбук
