Руската агресија врз населените места во повеќе региони во Украина продолжува и изминативе 24 часа. Според извештаите на Укринформ, во текот на изминатиот ден во регионот Запорижја извршени се 133 руски напади на 19 населени места. Убиени и повредение во руско гранатирање на Херсон, врз градот истрелани 33 проектили.
Руските агресори повторно го нападнаа регионот Запорижја. Во текот на изминатиот ден извршени се 133 напади на 19 населени места, објави на Фејсбук Јуриј Малашко, шеф на регионалната воена управа на Запорижја.
„Ниту една руска ракета или летало не падна на територијата на регионот во изминатиот ден, но непријателот продолжи да пука со артилерија, МЛРС и да користи беспилотни летала. 19 населени места беа под теророт на руската војска, извршени се 133 напади против нив“, напиша тој.
Забележано е дека руските сили извршиле 20 напади со беспилотни летала на Хулјаиполе, Новодаривка, Чаривне Билохирија, Мала Токмачка и Мали Шчербаки, како и шест напади со МЛРС врз Билохирија и Мала Токмачка.
„107 инциденти со гранатирање се случија во градовите и селата во првите редови, вклучувајќи ги Новоандриевка, Малинивка, Новоданиливка, Левадна, Полтавка, Роботин, Камианске, Пјатихатки, Лобкове, Плавни и Приморске. Имаше шест пријави за уништување на станбени згради и инфраструктура. Немаше жртви“, информира Малашко.
Како што е соопштено, вчера 26 локалитети во областа Запорижја биле под оган. Уништени се 10 цивилни инфраструктурни објекти.
Во регионот на Доњецк, руски напаѓачи вчера повредија цивил, објави на Фејсбук Ихор Мороз, вршител на должноста началник на регионалната воена управа на Доњецк.
„На 26 октомври Русите повредија еден жител на регионот Доњецк – во Авдиивка“, рече тој.
Вкупно, од почетокот на инвазијата, според шефот на РМА, руската армија убила најмалку 1.753 цивили во регионот и повредила уште најмалку 4.276. Овие бројки не ги вклучуваат жртвите во Мариупол и Волноваха.
На 26 октомври 2023 година, руските трупи го нападнаа регионот Херсон 114 пати, истрелувајќи 500 проектили, изјави шефот на регионалната воена управа на Херсон, Олександр Прокудин.
Според Прокудин, руските сили користеле минофрлачи, артилерија, беспилотни летала, тенкови, авиони и ракетни системи за повеќекратно лансирање Град (МЛРС).
„Триесет и три руски проектили беа истрелани врз градот Херсон. Непријателските напади беа насочени кон станбени области низ населбите во регионот Херсон. Здравствена установа, културна сала, образовна институција и пошта беа погодени во областа Берислав. По руското гранатирање, едно лице загина, а две се повредени“, се наведува во извештајот.
Подготви: Ј. Ѓ.
