Демократите и поборниците за правата на абортусот вчера постигнаа низа изборни победи вклучително и во конзервативните држави Охајо и Кентаки, што е сигнал дека репродуктивните права остануваат силен проблем за демократите пред претседателската трка во 2024 година.
Исходот ја продолжи низата без пораз на застапниците за правата на абортусот по одлуката на Врховниот суд на САД минатата година да ја поништи пресудата Роу против Вејд од 1972 година и да стави крај на правото за прекин на бременоста.
Во Охајо, каде на претседателските избори во 2020 година победи републиканецот Доналд Трамп, гласачите го одобрија уставниот амандман со кој се гарантира правото на абортус.
Во Вирџинија, демократите ја освоија контролата врз двата законодавни домови. Резултатот е удар за републиканскиот гувернер Глен Јангкин, кој водеше силна кампања за републиканските кандидати и се обиде да ги обедини околу неговиот предлог да се забранат повеќето абортуси по 15 недели од бременоста.
И во Кентаки, демократскиот гувернер Енди Бешеар го освои вториот четиригодишен мандат, каде Трамп во 2020 година победи со 25 проценти повеќе гласови.
Резултатите од изборите се показател дека гласачите, на помалку од 10 недели пред почне претседателската кампања во 2024 година, сериозно се залагаат за нивните основни слободи.
– Вечерва Американците уште еднаш гласаа за заштита на своите основни слободи и демократијата победи, изјави американскиот претседател Џо Бајден.
Бешеар го победи јавниот обвинител на Кентаки, Даниел Камерон, кој беше првиот црн гувернер.
