Изборите за претседател на република Северна Македонија ќе се одржат утре ( среда), 24 април. Право на глас на седмите претседателски избори имаат 1.814.317 избирачи. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
ЦИВИЛ – Центар за слобода ќе ги набљудува претседателските избори, и ќе одржи четири прес конференции на кои ќе објавува наоди од изборниот мониторинг од изборниот процес на претседателските избори низ целата земја. Прес конференциите на ЦИВИЛ ќе се одржат во прес студиото во бизнис центарот Палома Бјанка, на трети кат.
Во продолжение се распоредите на обраќања до јавноста, односно прес конференциите на изборниот ден, на ЦИВИЛ – Центар за Слобода, и Државната изборна Комисија.
Распоредот на одржување на прес конференциите на ЦИВИЛ е следен:
- 10:30 часот – Прво обраќање
- 14:30 часот – Прес конференција со наоди од мониторингот на ЦИВИЛ
- 17:00 часот – Прес конференција со наоди од мониторингот на ЦИВИЛ до 16 часот
- 21:00 часот – Прес конференција со наоди од мониторингот на ЦИВИЛ до 19 часот, и првичните резултати од ДИК
Прес конференциите на ЦИВИЛ ќе се одржат на македонски и албански јазик.
Претставници од ЦИВИЛ ќе бидат достапни за медиумите во текот на целиот изборен ден, а ЦИВИЛ ќе одржи и вонредни обраќања до јавноста доколку има итни информации од теренот.
Добредојдено е и лично присуство и виртуелно учествона претставници од медиумите. Прес-конференциите ќе се пренесуваат во живо на Фејсбук страната на организацијата и на видео каналот на YouTube.
Распоредот на известување на Државната изборна комисија на денот на изборите е следен:
- 09:30- Прес конференција за отворање на гласачките места, излезност до 9 часот, тек на гласањето
- 11:30 – Соопштение за излезност до 11 часот, тек на гласањето
- 13:30 – Прес конференција за излезност до 13 часот, тек на гласањето
- 15:30 – Соопштение за излезност до 15 часот, тек на гласањето
- 18:30 – Прес конференција за излезност до 18 часот, тек на гласањето
- 19:00 – Следење на првичните резултати добиени по електронски пат во живо
- 20:00- Соопштение за излезност до 19 часот, тек на гласање и затворање на избирачките места
- 23:30 – Прес конференција – Објавување на првичните неофицијални резултати
Д. Т. / Цивил Медиа
