Руските сили извршија ракетен напад врз центарот на градот Харкив утрото на 6 август, при што беше оштетена зграда на клиниката. Досега две лица се обратиле кај медицинските лица за помош, а некои луѓе може да останат заробени под урнатините.
„Удар во централниот кварт на градот. Густо населена станбена област. Избувна пожар. Информациите за штетите и жртвите се ажурираат“, објави Терехов.
Како што пренесува Украинска Правда, претходно воздухопловните сили објавија активност на руски тактички авиони на североисток и закана од напади со балистички ракети од исток.
Терехов појасни дека зградата на клиниката била оштетена во рускиот напад врз центарот на градот Харкив.
Олех Синиехубов, шеф на воената управа на Харкивската област, истакна дека две лица со акутни реакции на стрес побарале помош од медицинските лица. Згора на тоа, некои луѓе можеби се уште се заробени под урнатините.
Тој подоцна објави дека прелиминарните информации укажуваат дека Русите го нападнале Харкив со проектил Искандер, оштетувајќи ги цивилните простории, вклучително и зградата на клиниката, автомобилите и станбената инфраструктура и кршејќи прозорци. Одговорот за справување со последиците е во тек.
Како што пренесува Кијив индипендент, во руските напади прврз Украина загинаа најмалку три, а беа повредени 19 лица во текот на изминатиот ден, соопштија регионалните власти рано на 6 август.
Вкупно 11 украински области беа под руски напади – Миколаев, Чернихив, Луганск, Хмелницки, Днипропетровск, Кијив, Харкив, Суми, Херсон, Запорижја и Донецк. Жртви беа пријавени во последните седум региони.
Според украинските воздухопловни сили, Русија лансирала 16 дронови од типот Шахед од Кејп Чауда во окупираниот Крим и рускиот град Курск, како и четири балистички ракети Искандер М/КН-23 од руската област Воронеж и две наведувани ракети Кх-59 од Азовското Море.
Украинските сили соборија 15 беспилотни летала, две наведувани ракети Кх-59 и една балистичка ракета Искандер М/КН-23 над областите Кијив, Херсон, Миколаев и Хмелницки.
Според гувернерот Вадим Филашкин, во Донецката област, во руските напади загинало едно лице во градот Торецк во областа Бахмут.
Во селото Миколаивка во областа Покровска две лица се здобиле со повреди, додека во утринскиот руски напад врз селото Новоекономичне биле повредени шест лица.
Во Херсонската област, руската армија цели 12 населени места, вклучувајќи го и регионалниот центар Херсон, според гувернерот Олександр Прокудин. Едно лице загина, а пет други се здобиле со повреди.
Во Сумиската област, едно лице загина во рускиот напад со беспилотно летало од прво лице (FPV) во заедницата Хотин, а уште две лица се повредени поради ударите со воздушни бомби КАБ, соопшти локалната воена администрација. .
Руските трупи пукале 495 пати во областа Запорижја во текот на изминатиот ден, а цел биле 10 населени места и раниле две жени во областа Василивка, објави локалната воена администрација.
Во Купијанск во Харкивската област, полицаец е повреден како резултат на напад со беспилотно летало FPV, според гувернерот Олех Синиебув.
Во Днипропетровската област, 76-годишен маж се здобил со повреди во градот Никопол, објави гувернерот Серхи Лисак.
Изминатиот ден имаше над десетина напади во областа Никопол. Како и секој ден, руските сили лансираа беспилотни летала „камикази“ и гаѓаа артилерија, гаѓајќи ја областа, додаде Лисак.
Драган Мишев / Цивил Медиа
