Во руското гранатирање денеска загинаа тројца Украинци кои работеле за Меѓународниот комитет на Црвениот крст (МКЦК), а други двајца се ранети во едно село во регионот на Доњецк, објавија бриотанските медиуми, повикувајќи се на украинските власти.
-Уште едно руско воено злосторство. Денеска окупаторот нападна возила на хуманитарна мисија на Меѓународниот комитет на Црвениот крст во регионот на Доњецк, напиша претседателот Володимир Зеленски во објава на „Х“.
Another Russian war crime. Today, the occupier attacked vehicles of the International Committee of the Red Cross humanitarian mission in the Donetsk region.
As of now, we know of two injured people who are receiving all necessary assistance. Unfortunately, three people were… pic.twitter.com/Ta2Vbj9TSj
— Volodymyr Zelenskyy / Володимир Зеленський (@ZelenskyyUa) September 12, 2024
Селото Вирољувка е гранатирано, напиша шефот на локалната администрација Вадим Филашкин во публикација на „Телеграм“ во која известува за жртвите.
Украинското државно обвинителство на „Телеграм“ напиша дека вработените во МКЦК им доставувале брикети на локалните жители за да имаат греење пред зимата. Тие истоварувале помош кога почнал нападот, објаснуваат од обвинителството.
Двајца вработени се хоспитализирани, а еден од нив е во тешка состојба, соопшти обвинителството.
Регионот Доњецк, кој е делумно окупиран од руски трупи, редовно е под руско гранатирање и воздушни напади. Москва негира дека таргетирала цивили или цивилна инфраструктура, иако во нејзините напади во Украина досега загинаа илјадници луѓе, наведуваат британските медиуми.
