Фудбалерите на Арсенал, Њукасл и Ливерпул се пласираа во полуфиналето на англискиот Лига куп.
Арсенал на својот стадион синоќа го победи Кристал Палас со 3-2, а троен стрелец беше Габриел Жесус во 54., 73. и 81. минута.
Њукасл на домашен терен триумфираше над Брентфорд со 3-1. Стрелци за Њукасл беа Сандро Тонали во 9. и 43. минута и Фабијан Шар во 69. минута, а голот за Брентфорд го постигна Жоан Виза во првата минута од судиското надополнување.
Пласман во полуфиналето обезбеди Ливерпул кој на гостински терен го победи Саутемптон со 2-1. Головите за Ливерпул ги постигнаа Дарвин Нуњез во 24. минута и Харви Елиот во 32. минута, додека голот за Саутемптон го постигна Камерон Арчер во 59. минута.
Последниот полуфиналист ќе биде познат по одигрување на вечерашниот четвртфинален дуел меѓу Тотенхем – Манчестер Јунајтед.
