Лидерот на Српската партија за слобода и правда (ССП), Драган Ѓилас е повреден во Белград во тепачка што избила синоќа откако видел како луѓе лепат плакати против него.
Ѓорѓе Алексиќ, функционер од таа партија, кој бил со него, исто така е повреден откако бил нападнат по што двајцата побарале помош во Ургентниот центар во Беглрад.
„Драган беше нападнат пред малку од овие режимски насилници…Твојата фаланга, нели, Александар Вучиќ? Што сакаш да почнеш? Бедни кукавици. Дење глумиш светец, а ноќе праќаш насилници да кршат глави“, напиша Мариника Тепиќ, потпретседателка на ССП на социјалната мрежа Икс . Таа посочи дека предводник на насилниците бил Лука Петровиќ, висок функционер во СНС која е на власт, и е градски секретар за инвестиции.
