Враќањето на Доналд Трамп на власт може да доведе до негово повторување на прекршувањата на правата извршени за време на неговото прво претседателствување и голем притисок врз меѓународни институции, предупреди Хјуман рајтс воч.
„Враќањето на републиканецот во Белата куќа не само што ги загрозува правата во САД туку, исто така ќе влијае на почитувањето на човековите права во странство“, се вели во годишниот извештај на организацијата.
Светските избори и смртоносните конфликти во текот на изминатата година го оспорија „интегритетот на демократските институции и принципите на човековите права и хуманитарното право“ — но многу влади „не успеаја на тестот“, се вели во документот од 500 страници.
Обновените напади на Трамп врз правата на малцинствата, меѓународното право и мултилатералните институции ризикуваат „да ги охрабрат нелибералните лидери ширум светот да го следат примерот“, се предупредува во извештајот.
