РЕАКЦИИ: Тоа беше нацистички поздрав

Мајк Стачбери е учител и писател од Мелбурн, Австралија, кој сега живее во Штутгарт, Германија. Негова пасија е историјата, а се појавува и како колумнист за австралискиот Еј-би-си. Неговата реакција на нацистичкиот поздрав на Илон Маск за време на инаугурацијата на Доналд Трамп може да се најде на Х, каде што тој напиша:

„Ги проучував нацистите на универзитет, предавав историја на нацистичка Германија на два континента и пишував за големите весници за нацистичка Германија. Јас сум на интернет познат по тоа што проверува факти за историјата, идеологијата и политиката на нацистичка Германија.

Тоа беше нацистички поздрав.“

Илон Маск и МАГА приврзаниците се обидуваат да ја изманипулираат јавноста со тоа што објавуваат фотографии од познати личности, па дури и од Супермен, со крената рака.

И самиот Маск се обидува да се одбрани од заслужените критики.

Во една објава, тој се обидува да се оправда на следниот начин:

Џабир Дерала од ЦИВИЛ му одговори кратко: „Манипулираш. Повели, ова си ти!“ На ова тој го закачи видеото што кружи низ социјалните мрежи каде што јасно се гледа целосно совпаѓање на нацистичкиот поздрав од минатото со овој на Илон Маск.

Ова е линкот до твитот на Дерала:

Ова не е единственото видео каде што се прави паралела меѓу Маск и нацистите.

Снимката лево во оваа монтажа е од „Маршот на црвените кошули“ во Орландо, Флорида, САД, на 2 септември 2023 година каде што учесниците извикуваат Хајл Хитлер. Учесниците се припадници на неонацистичките групи Крвно племе и Лига на гојимската одбрана (Blood Tribe, Goyim Defense League). Снимката е од Getty Images.