Демократската унија за интеграција, заедно со активисти од огранокот на ДУИ во Чаир, Скопје, го промовираше Политичкиот штаб. Штабот го води поранешниот министер за надворешни работи Бујар Османи.
Од ДУИ изјавија дека политичкиот штаб е формиран како одговор на предизвиците што ги создава Владата и дека штабот ќе го води Бујар Османи.
Поранешниот пратеник Зуди Џелили за Фронтлајн вели дека ова акција на ДУИ е страв на членовите од евентуално заминување и за привлекување внимание на локалните избори што се одржуваат на крајот на годината.
– Иако сè уште не е помината година од редовните парламентарни избори во Северна Македонија, опозицијата започна кампања за стабилизирање на своите редови како резултат на движењата што се случија за време и по изборите. Вообичаено, оние што ќе ги загубат изборите утре размислуваат за нови избори за повторно да ја добијат власта, но, оваа идеја е веродостојна доколку владата нема стабилно мнозинство за да носи одлуки во парламентот (што не е случај со сегашното мнозинство). Така, опозицијата бара простор за маневар за да ги држи членовите од евентуално заминување и да го сврти вниманието кон локалните избори што треба да се одржат на крајот на годината, вели Џелили.
Во таа насока, додава тој, има движења и во Чаир, Скопје, со политичкиот штаб, нешто ново само за да се разбуди љубопитноста кај членството и да се обиде да се заборави прашањето за Артан Груби, кој е во бегство и не се знае повеќе за неговата локација.
– Ова се тактички потези, како подготовка за локалните избори, подвлекува тој.
Коалицијата ВЛЕН смета дека е грешка промовирањето на политичкиот штаб на Демократската унија за интеграција во Чаир, бидејќи според нив, партијата што е во опасност од уништување не треба да отвора штаб.
– Нон-грата ДУИ може да отвори уште многу штабови, но не може да го смени фактот дека оваа партија е гнила одвнатре и ја изгуби довербата кај Албанците. Така, секој ден од ДУИ си заминуваат се повеќе активисти, гласачи и функционери. А за оваа акција да биде уште поиронична, лицето кое го иницираше отворањето на овој штаб е осомничено за длабока корупција. Така, овој Штаб на чело со Бујар Османи, дискредитирана личност инволвирана во скандалот „Пациентот“, станува симбол на неуспехот и моралната криза на оваа партија. Понатаму, блиската поврзаност на Бујар Османи со лицето на црната листа Артан Груби, уште една спорна личност во нон грата на ДУИ, дополнително ја продлабочува оваа криза, велат од ВЛЕН.
Во меѓувреме, со Политичкиот штаб во Чаир, отворен пред неколку дена, ќе раководи поранешниот министер за надворешни работи Бујар Османи. Според ДУИ, политичкиот штаб е формиран како одговор на предизвиците и неправдите што ги создава власта. Формирањето на политичкиот штаб во Чаир е чин што оди подалеку од изборна кампања – тоа е повик за единство и акција, оценуваат од ДУИ.
– Во критичен момент за иднината на Чаир и на Албанците воопшто, формиран е политички штаб кој има за цел да одговори на предизвиците и неправдите што ги произведува власта која работи против интересите на Албанците. Политичкиот штаб не е само изборна организација, туку движење за враќање на надежта и враќање на достоинството на граѓаните на Чаир. Се соочуваме со влада која го игнорираше гласот на Албанците и го наруши етничкиот и институционален баланс во државата. Овој штаб ќе биде центар каде не само што ќе се подготвува стратегија за изборна кампања, туку и план за заштита на правата и интересите на нашите граѓани, соопштија од ДУИ.
„Политичкиот штаб во Чаир е создаден како простор во кој секој граѓанин може да се чувствува претставен и вклучен. Таа има за цел да ги мобилизира енергиите на граѓаните, да ги ангажира младите луѓе и да изгради нова визија за Чаирин – визија каде никој не е оставен зад себе и каде гласот на Албанците силно се слуша“, сметат од ДУИ со нивната нова стратегија.
Дестан Јонузи
