„Соопштивме сериозен пакет на мерки, како ретко кој од балканските земји. Тоа го можеме затоа што подигнавме БДП од -1,8% на 3,6% и ова ја става државата во положба да се развива и да подигнува кредити. Мора да ги поддржиме работниците и фирмите, затоа што доминантно тие го полнат буџетот, тие ја движат економијата и го подигнуваат Бруто домашниот производ и тие се доминантно кој што обезбеддуваат плати за граѓаните, плаќаат даноци и го генерираат севкупниот развој.“, одговори на Заев на денешната прес конференција, на прашањето какви се очекувањата и проценките за економските последици од оваа криза и пакетот мерки што ги предложи СДСМ.
Тој рече дека СДСМ како партија ги препорачала економските мерки до Владата и дека сега Владата е таа која што конечно ќе одлучи. Заев рече дека Владата ја има поддршката од СДСМ како најголема партија на власт и дека Владата со своите капацитети треба да оцени дали тие мерки се прифатливи.
Заев нагласи дека граѓаните треба да знаат дека очекувањата на наплатата на приходите во овие моменти на криза се помеѓу 30 и 40 проценти, а тоа значи дека 60% ќе недостасуваат.
„Ќе надохнадиме 30% ако обезбедиме кредити во износ повеќе од 1,2 милијарди евра, а во моментот на пазарот на кредити ни се нуди не повеќе од 600 милиони евра кредити. Еве и да ги обезбедиме тие милијарда и двеста милиони евра од кредити, но за да ги обезбедиме останатите 30% проценти, мора да кратиме, мора да штедиме. Сите ставки и непродуктивни трошења што гледам дека министерството за финансии веќе ги скратува се некаде околу 7 милијарди денари, но тоа не е доволно. Тие 30% кои сепак остануваат непокриени се околу 1,3 милијарди евра и тие мора да ги понесеме заедно сите. Колку побрзо го сфатиме тоа, толку поуспешно ќе се справиме со кризата“, рече Заев
Заев истакна дека реалните пари ќе ги немаме во Буџетот и затоа мора да го споделиме товарот. Тој нагласи дека овие мерки не се благопријатни, но благопријатни се за стопанството кое ја крепи економијата и потенцира дека солидарното заедничкото распределување и понесување на трошоците мора да го направиме заедно.
Заев подлече дека ако го направиме тоа имаме големи шанси да го скратиме периодот на пребродување на кризата, но ако не го направиме треба да бидеме спремни на сè.
Треба да бидиме свесни за сериозноста и на плеќи сите заедно да го понесеме дел од товарот на оваа криза и дека тоа не е благопријатна вест, но одговорен политичар тоа мора да го каже, истакна Заев.
„Лесно им е на опозицијата да се прават фраери и да даваат некакви сугестии само за да соберат политички популистички поени, но треба точно да се кажува каква навистина е состојбата, како што ние од СДСМ тоа сега го правиме“ рече Заев.
Заев нагласи дека верува дека ќе се соберат сили сите заедно товарот да го поднесеме, се со цел да се излезе побрзо од кризата и потсети дека ова е ситуација во целиот свет.
„Уверен сум дека ќе ја пребродиме оваа криза, како што заедно пребродивми многу и до сега“, одговори на поставените прашања лидерот на СДСМ Зоран Заев на денешната прес-конференција.
Ј. Ѓ.
