ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ПОЛИТИКА

Средба Гаши – Сер Хојл во Британскиот парламент: Истакната подготвеност за поддршка преку сениорска експертска асистенција на пратениците

February 26, 2025 15:33
in ДЕНЕС, ПОЛИТИКА
Share on FacebookShare on Twitter

Претседателот на Собранието Африм Гаши денеска во Лондон имаше средба со спикерот на Долниот дом на Британскиот парламент сер Линдзи Хојл. Гаши, кој ја предводи собраниската делегација на официјалната посета на Британскиот парламент, посочил на одличните билатерални односи меѓу двете земји во политички и економски контекст, и ја истакнал посветеноста да се негува долгогодишното партнерство рефлектирано преку силни и храбри односи.

Како што се наведува во соопштението од собраниската прес-служба, Гаши се заблагодарил за континуираната поддршка на евроинтеграцијата на земјата и за силното сојузништво во НАТО Алијансата.

Сер Хојл, како што се посочува се осврнал на актуелната геополитичка состојба која несомнено се одразува врз сите држави. Истакнал дека војните и агресиите не се решение за никого и треба сите заедно да работиме на надминување на овие состојби и да градиме стабилни општества со силни парламенти. Во однос на парламентарната моќ, повикал на зголемена јавност и транспарентност, бидејќи демократијата е многу подобра кога е транспарентна.

Во однос на парламентарната соработка, двајцата соговорници ја истакнале важноста на соработката меѓу групите за соработка, преку споделување искуства од парламентарното работење и примена на ефикасни британски искуства од посебни области од интерес за македонското Собрание. Сер Хојл изразил подготвеност за конкретна британска поддршка преку сениорска експертска асистенција на пратениците и службениците на подолгорочна основа.

Гаши ја предводи собраниската делегација на првата официјална посета на една делегација од нашата земја во Британскиот парламент, во чиј состав се и потпретседателот на Собранието Јован Митрески, претседателот на Пратеничката група за соработка со Парламентот на Обединетото Кралство, Никола Мицевски, заменик-координаторката на ПГ на Коалицијата Европски фронт, Арбана Пашоли и генералната секретарка на Собранието, Марина Димовска.

Македонската делегација, како што се посочува во соопштението, ја констатирале важноста на соработката на Собранието со Вестминстер фондацијата за демократија, која има имплементирано голем број проекти со кои се надгради работата и на пратениците и на собраниската служба.

-Беше изразена благодарност до Обединетото Кралство за силната поддршка на политиката на проширувањето на ЕУ, кои ја сметаат европската интеграција за начин за постигнување на трајна стабилност и просперитет за регионот на Западниот Балкан. Се разговараше и за сојузништвото на двете земји во НАТО Алијансата, што претставува бенефит за двете држави, се наведува во соопштението.

Гаши истакнал дека проширувањето на ЕУ со земјите од Западен Балкан не е само политичко, туку и безбедносно прашање, на кое треба да му се обрне должно внимание. Го образложил примерот на својата земја која и покрај сите отстапки што ги направи, а го допираа македонскиот идентитет и го променија името на државата, се обезбеди влез во НАТО, но вратите на ЕУ останаа затворени.

Спикерот Сер Хојл го истакнал значењето на парламентарната дипломатија и меката моќ на влијание и искрено се заложил овие значајни прашања да ги подигне на повисоко ниво и да им даде вокалност во средбите со колегите и други високи политички личности.

По завршување на средбата претседателот на Собранието Гаши се потпишал во Книгата за гости, што било проследено со размена на пригодни подароци меѓу двајцата претседатели.

За време на приемот приреден во чест на претседателот на Собранието Африм Гаши и Делегацијата, биле разменети срдечни здравици.

При пристигнувањето на Гаши и делегацијата, во делот „New Palace Yard“ од Палатата Вестминстер бил приреден формален пречек со истакнување на македонското знаме.

По завршувањето на официјалниот дел од програмата, делегацијата присуствувала на седницата посветена на пратеничките прашања од галеријата на Спикерот.

Tags: Британски парламентГашиСер Хојлсредба
Next Post

Преку 600 маскирани учесници и богата тридневна програма за прилепскиот карневал „Прочка 2025“

Shortcut

Најново

NVIDIA (photo: Wikipedia)

Кризата во NVIDIA: Хуанг размислува за враќање, компанијата се соочува со безбедносни прашања

November 16, 2026
Роденденско утро со мирис на еспресо (фото: лична архива)

Вест стара 59 години

November 15, 2026

ЛЕЛЕ, МАМО, КРИЗА Е!

November 15, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Граѓанските организации бараат мораториум на свеченостите за „16 дена активизам“: Наместо симболика, итна институционална одговорност

November 11, 2026

НАЈЧИТАНО

  • Фото: Ј. Ѓорѓиоски

    Правосудниот испит нова линија на судир во Владата: Се отвора ли патот кон предвремени избори?

    0 shares
    Share 0 Tweet 0
  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Злобни напади врз чесната власт

    0 shares
    Share 0 Tweet 0
  • Јубилејниот 15-ти „Виноскоп“ од утре во Градскиот парк во Скопје

    0 shares
    Share 0 Tweet 0
  • Граѓанските организации бараат мораториум на свеченостите за „16 дена активизам“: Наместо симболика, итна институционална одговорност

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk