Целосното затемнување на Месечината ќе се случи на 13-14 март 2025 година – прво на Земјата од 2022 година – но само ноќната страна на планетата ќе може да го види. За време на овој глобален настан, кој ќе се случи во исто време низ целиот свет, површината на Месечината ќе стане црвеникава 65 минути – феномен кој често се нарекува „крвава месечина“.
Иако точката на најголемото затемнување ќе биде во Тихиот Океан, Северна Америка и Јужна Америка ќе имаат најдобри погледи. Некои делови од Европа ќе имаат мал поглед кон заоѓањето на Месечината, а Источна Азија ќе може да го забележи овој спектакл при изгревањето на Месечината.
Северна Америка: Сите фази на затемнувањето ќе бидат видливи низ сите 50 американски држави (вклучувајќи ги Алјаска и Хаваи), Канада и Мексико.
Јужна Америка: Поголемиот дел од континентот ќе го проследи целиот настан, а целосното затемнување ќе биде видливо во Бразил, Аргентина и Чиле по полноќ на 14 март.
Европа: Западна Европа – вклучувајќи ги Шпанија, Франција и Обединетото Кралство – ќе ја види целосната фаза додека Месечината заоѓа рано наутро на 14 март.
Африка: Крајниот западен дел на Африка – вклучувајќи ги Зеленортските Острови, Мароко и Сенегал – ќе ја забележи целосната фаза додека Месечината заоѓа рано наутро на 14 март.
Океанија: Жителите на Нов Зеланд ќе го видат затемнувањето во неговите подоцнежни фази, со Месечината веќе во делумна сенка додека излегува на 14 март.
Затемнувањето на Месечината ќе биде делумно видливо и на Балканот, вклучувајќи ја и Македонија. Затемнувањето ќе започне во раните утрински часови на 14 март, при што Месечината ќе биде во процес на заоѓање. Поради ова, само почетните фази на затемнувањето ќе бидат видливи пред Месечината да зајде под хоризонтот.
За разлика од сончевото затемнување, безбедно е да се гледа во Месечината за време на целото затемнување.
Ј. Ѓ.
