„Украина веќе ја научи лекцијата кој е всушност нејзиниот сосед, од една страна, а од друга страна се соочи со понижување кое не го очекуваше. Извините за мојот песимизам, но мислам дека овој формат на „мир“ ќе биде реорганизирање на воените сили и подготовка за нов конфликт. Не верувам декао овој мир на кој и да e начин ќе постигне да биде одржлив и долготраен“, изјави Горан Василевски, Армиски полковник (во пензија.), поранешен началник на воената служба за безбедност и разузнавање во Министерство за одбрана, Северна Македонија, на првиот панел од меѓународната конференција „Украина и светот: Отпор против агресијата, победа над авторитаризмот“, насловен „ Отпор, мир и новата оска на автократијата“.
„Нема целосна правда по војната, ако ништо повеќе неправен е за луѓето кои ги изгубија животите и за нивните семејства. Она што би било правда за Украина е да не ја повтори грешката на Меѓународната заедница со Крим од 2014. Гледаме дека Русија полека, но на секои 10 години започнува некаква империјалистичка војна или воена операција одземајќи некој дел од соседите. Во 2008 беше Грузија, па во 2014 Крим, па сега Домбас и целиот регион од левата страна на Днепар реката, што значи дека утре може да биде некој од балтичките градови, не го заборавајте Калинград“, изјави Василевски.
Извор: Цивил Медиа
