ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ПОЛИТИКА

Беџети обвини за мајтап со носењето на законот за правична застапеност, Мицкоски вети дека ќе биде донесен и лично ќе го претстави

April 24, 2025 14:05
in ДЕНЕС, ПОЛИТИКА
Фото: МИА

Фото: МИА

Share on FacebookShare on Twitter

Обвинувања кон Владата и Министерството за администрација за несериозност и одолговлекување со донесувањето на законот за правична застапеност упати пратеникот Блерим Беџети од пратеничката група Европски фронт во рамки на пратеничките прашања на денешната седница на Собранието. Констатираше дека и по шест месеци ветувања за законот којшто произлегува од амандамнот 5 во Уставот, тој сѐ уште не е донесен.

-Излегуваат заменици премиери од оваа Влада и велат дека имаат работни групи, но ниту еднаш не кажаа кој работи во тие групи. Има еден пристап на мајтап со јавноста за носењето на Законот, бидејќи беше во предизборната програма на оваа влада, а за да се тргне балансерот. Немаме никаква информација и како пратеници, и како Собрание, но и како јавност до каде е ситуацијата со овој закон, дали е формирана работна група, кога ќе биде донесен и така натаму. Треба да се почитува духот на Охридскиот договор и да се каже, бидејќи Владата има владина програма, во кој месец ќе биде, бидејќи и Изет Меџити и Арбен Фетаи се изморија кажувајќи ќе биде овие две недели, не овој четврток, другиот четврток, ова веќе стана хумор, рече Беџети.

Во отсуство на министерот за администрација, одговор на пратеничкото прашање даде премиерот Христијан Мицкоски, кој истакна дека балансерот бил укинат по предлог од претходната Влада во која учестувале и министри од ДУИ, а информираше дека законските одредби се подготвуваат и ќе бидат донесени.

– Законот е готов уште минатата година, пред шест месеци, но за разлика од тоа време кога вие бевте министер за правда, законите треба да бидат согласно Уставот. За да не ни се случи повторно да паднат на Уставен суд и повторно вие да излегувате тука и да ги злоупотребувате чувствата на Албанците, да испраќате политички пораки. Можам да ви кажам дека ќе има Закон за правична застапеност, јас лично ќе го извадам овде и ќе го бранам, ќе биде уставен и ќе гарантира вистинска правична застапеност на сите етнички заедници. Нема да ги правиме грешките од минатото кога се носени закони без да се гледа уставноста, коишто денеска ви оставаат простор за политички тези, наместо да излезете и да им се извините на Албанците зошто се носени политички половични решенија, истакна Мицкоски.

Во второто прашање на пратеникот Беџети до премиерот Мицкоски тој се интересираше до каде е постапката околу враќањето на претходно уставно име на државата и како Владата ќе се справи со високите царински тарифи од САД .

-Мислам дека ретко кој го користи терминот Северна и сите го користат името Македонија и со тоа уште едно изборно ветување и исполнето. Дури и од СДСМ, во говори, во општеството, сите зборуваат за Македонија. Да, Северна ќе остане како спомен на едно лошо време кога вие го распродадовте мојот македонски идентитет, a мојот македонски јазик го преговаравте. Тоа е теза од вашиот поранешен коалициски партнер дека ние ќе го вратиме името, еве го вративме и овде се зборува за Македонија. Околу тарифите сте ги преспале, сега се 10 проценти, а не е 33 и во соработка со Соединетите Американски Држави, Македонија ќе биде меѓу ретките земји во светот којашто ќе ја има најниската царинска тарифа и пониска нема да има, додаде Мицкоски.

Околу договорот со Бугарија премиерот нагласи дека нема промена на ставот на Владата, и повтори дека непринципиелно е од другата страна на границата да се оспорува правото на македонското малцинство за регистрирање невладина организација, а да се бара бугарската заедница од оваа страна на границата да биде конститутивен народ во Уставот.

Next Post

Сузбиени две криминални групи за злоупотреби за стекнување со право за туѓа нега и за инвалидски пензии, кривична пријава против 49 лица, лишени од слобода 23, по едно лице се трага

Shortcut

Најново

Неказнивоста не е пропуст, туку систем

November 21, 2026

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk