коментира: ЈАНЕ ЃОРЃИОСКИ
Радувајте се народе. Се јави спасителот Мицкоски и предложи револуционерни мерки за спас на македонската економија?!
Ма какви откажувања од буџетските пари за партиите, ВМРО-ДПМНЕ тоа нема да го дозволи кога има пари за сите, само треба да се распределат како што треба, вели претседател на ВМРО-ДПМНЕ Мицкоски.
Така Мицкоски на днешниот прес предложи да се претура од еден фонд во друг, не знам како на економските експерти тоа не им текна до сега.
Тој крајно недолично инсинуираше и ги извртуваше мерките кои денес се донесени од Владата и манипулираше со чувствата на граѓаните повторно само за да ќари некој политички поен. Ќе има ли некој умен во тоа друштво од прескапата бела палата, да го потприбере или ќе го остават да се брука човекот?
Врв на неговото излагање беа компарациите како државите од регионот економски реагирале на кризата која е резултат на пандемијата. И ни помалку ни повеќе, погодувате, за пример ги зеде економските мерки кои ги презела Словенија. Најразвиената земја во регионов која е полноправна членка на ЕУ уште од 20004 година, типичен пример за споредба со тоа што е спремна нашата економија и буџет да поднесе, нели. Инаку една од мерките кои и Мицкоски ги спомна за да поентира е таа дека сите самовработени од погодените бизниси во Словенија ќе добијат помош од 700 евра. Мора да се признае, и кај нас ептен применливо. Браво Мицкоски!
Мицкоски, со кој памет човече споредуваш економија која едвај последниве две години поткрена глава од девастираната состојба која ја оставивте во 2017 година, со силна економија и држава која има најголем БДП по глава на жител од сите земји што од 2004 година влеле во ЕУ?
Браво бе вмровски експерти, ова од Трајко Славевски ли е совет? Мене како од оној ширачот на лажни вести Милошоски, или од Александар Николовски совет ми личи, Трајко не би се избламирал до толку: Хм… барем мислам дека не би се избрукал така, шо знам?
