Израел утрово соопшти дека го нападнал Иран, а иранските медиуми објавија дека во Техеран се слушнале експлозии. Нападот е извршен зголемуваат тензиите околу напорите на САД да обезбедат согласност од Иран за запирање на неговата нуклеарна програма.
Израел соопшти дека прогласува вонредна состојба во очекување на напади со ракети и беспилотни летала од страна на Техеран.
Израелски воен претставник изјави дека Израел напаѓа „десетици“ нуклеарни и воени цели.
„По превентивниот напад на државата Израел врз Иран, во непосреден рок се очекува напад со ракетни и беспилотни летала врз државата Израел и нејзиното цивилно население“, изјави министерот за одбрана Израел Кац.
Двајца американски претставници, кои зборуваа под услов да останат анонимни, изјавија дека Израел започнал да извршува напади врз Иран и дека немало помош или вмешаност на САД во операцијата.
Си-Ен-Ен објави дека американскиот претседател Доналд Трамп свикал состанок на кабинетот.
Генералот Хусеин Салами, врховен командант на Корпусот на Исламската револуционерна гарда на Иран, е убиен за време на израелските напади извршени утринава, јавија ирански државни медиуми.
Салами првпат се приклучи на Револуционерната гарда во 1980 година за време на избувнувањето на војната меѓу Иран и Ирак. Како што се искачуваше низ воените редови, тој стана познат по својата остра реторика против САД и сојузниците на САД.
Тој е под санкции на СБ на ОН и САД поради нејзината вмешаност во нуклеарните и воените програми на Иран. Тој беше на чело на Револуционерната гарда кога Иран го започна својот прв директен воен напад врз Израел лани.
Салами вчера изјави дека Иран е „целосно подготвен за сите сценарија, ситуации и околности“. „Непријателот мисли дека може да се бори против Иран на ист начин како што се бори против беспомошните Палестинци кои се под израелска опсада. Ние сме искусни во војна“, рече тој.
Салами е меѓу неколкуте високи функционери убиени во израелскиот напад. Иранските државни медиуми објавија дека е убиен и Ферејдон Абаси, поранешниот шеф на Организацијата за атомска енергија.
Дополнително, Израел верува дека во нападите врз Иран биле елиминирани и шефот на иранската армија, Мухамед Багери, како и други членови на военото раководство и нуклеарни научници.
