Израел нападна клучен нуклеарен реактор во Иран. Меѓу нив е и нуклеарниот реактор Натанз, кој е клучен за нуклеарната програма на Иран.
Во раните утрински часови, според информациите на иранската државна телевизија, имало нови експлозии во нуклеарната централа Натанз, околу 225 километри јужно од Техеран. Станува збор за еден од централните објекти за збогатување ураниум во Иран, чија важност за нуклеарната програма на земјата е постојано потврдена и следена од Меѓународната агенција за атомска енергија (МААЕ).
МААЕ потврди дека објектот Натанз е меѓу целите што ги таргетира Израел во неговата најнова воена операција и дека е во контакт со иранските власти за да утврдат можни промени во нивоата на зрачење.
Комплексот Натанз, што се наоѓа во централната покраина Исфахан, е еден од најважните објекти во нуклеарната програма на Иран. Таму се наоѓаат голем број центрифуги за збогатување на ураниум, вклучувајќи напредни модели што ги користи Иран за да постигне нивоа на чистота на ураниум до 60% – многу блиску до нивото потребно за производство на нуклеарно оружје. Поради оваа причина, Натанц со години е под строг надзор на инспекторите на МААЕ, но исто така е и постојана цел на израелски напади и саботажи.
Објектот е изграден и надграден под земја за да биде поотпорен на воздушни напади, но експлозиите потврдени утрово од ирански и израелски извори сугерираат дека бил погоден и покрај овие заштитни мерки.
