Хрватскиот репрезентативец Лука Модриќ попладнево пристигна во Милано за да ги мине задолжителните лекарски прегледи и да потпише едногодишен договор со Милан, јавија локалните медиуми.
„Многу сум среќен што сум тука“, им изјави Модриќ на новинарите кои го пречекаа на аеродромот Малпенса.
„Ме чекаат големи предизвици тука, ќе имаме време да разговараме за сè“, порача 39-годишниот хрватски фудбалер.
Модриќ настапи со Реал Мадрид на Светското клупско првенство, откако мина 13 сезони во шпанскиот гигант со кој освои рекордни 28 трофеи.
Откако ќе потпише едногодишен договор со италијанскиот клуб, Модриќ ќе замине на двонеделен одмор пред да се приклучи на тренинзите на Милан на почетокот на август.
