Излезноста во Чашка до 13 часот достигна 40%, во Градско 26,01%

Во Општина Чашка до 13 часот  на 30 избирачки места гласале  2500 гласачи или 40 проценти од вкупно запишаните 6141 во избирачкиот список.

Како што информира за МИА претседателот на ОИК Чашка, Ридван Лимани, на сите избирачки места гласањето се одвива непречено и без инциденти.

Во Општина Градско до 13 часот, на 11 избирачки места, гласале 789 гласачи или 26,01 процент од вкупно запишаните 3038 гласачи во единствениот избирачки список.

Како што информира за МИА претседателката на ОИК Градско, Мери Седмакова Димовска, гласањето се одвива непречено и без инциденти.