Манекенката и претприемачка Хејли Бибер во ново интервју зборуваше за животот под постојаното внимание на јавноста, поддршката од сопругот Џастин Бибер и предизвиците на балансирање меѓу родителството и кариерата, објави магазинот Вог Австралија.
Живот под лупата на јавноста
„Се омажив за некој што се соочува со огромен јавен притисок уште од многу млада возраст“, изјави Хејли Бибер во интервјуто. „Затоа партнер кој навистина го разбира тоа е мојот најголем извор на утеха и разбирање.“
Таа признава дека иако со години е дел од јавниот живот, никогаш целосно не се навикнува на постојаното внимание.
„Искрено, мислам дека никогаш не станува полесно“, рече 29-годишната Бибер. „Секогаш е тешко да се справите со толку многу бучава, надворешни мислења и да бидете постојано под лупа.“
Иако со време човек делумно „огрубува“ на коментарите и критиките, таа додава дека тоа не значи дека тие стануваат помалку болни.
Поддршка од блиските
Хејли Бибер вели дека со текот на времето научила подобро да зборува за тоа како негативните реакции влијаат врз неа.
Освен сопругот Џастин Бибер, поддршка наоѓа и кај пријатели кои исто така се дел од светот на славата.
„Имам и други пријатели кои се во слична позиција“, рече таа, споменувајќи ги долгогодишните пријателки Кендал и Кајли Џенер. „Разговорот со некој што навистина го разбира тоа чувство е секогаш утешителен.“
View this post on Instagram
Родителство како тимска работа
Двојката, која го има 19-месечниот син Џек Блуз Бибер, вели дека родителството го доживува како тимска работа.
Додека Хејли неодамна престојувала во Австралија поради деловни обврски, Џастин се грижел за нивниот син дома.
„Јас сум овде на работа, а мојот син е дома со татко му и одлично се забавува“, изјави таа на настанот „Forces of Fashion“ на Вог.
Според неа, поддршката од партнерот е клучна.
„Навистина е важно да имате одличен партнер и да ги делите одговорностите.“
Љубов и работа
Хејли Бибер додава дека со Џастин уживаат и во заеднички деловни проекти.
„Секогаш се радувам кога соработувам со некој што го сакам“, рече таа. „Ние не гледаме на тоа како на работа, туку како на нешто забавно – можност заедно да направиме нешто во што уживаме.“
