Во рамки на помошта од Европската унија обезбедени се 12 респиратори и 5.000 маски, објави попладнево министерот за здравство Венко Филипче.
Тој за емисијата „Топ тема“ изјави дека маските ќе бидат поделени на Клиниката за инфективни болести и за болницата „8 Септември“.
Во однос на респираторите што треба да ги набави Владата, Филипче информираше дека договорите се склучени, a набавката е завршена.
