Паралелно со пандемијата на вирусот ни се случува и пандемија од лажни вести, затоа во овие вонредни околности од круцијално значење е нивната професионалност и објективност, пишува претседателот Стево Пендаровски во честитката за Денот на слободата на медиумите.
Слобода на медиумите – на десно поравнај се! коментира Јане Ѓорѓиоски. Слободата на медиумите е слободата на говорот. Таа е онолку слободна колку што сам ќе си ја зграпчиш слобода. Таа никој не ти ја дава, но сите центри на моќ – политичка, економска, посебно и медиумската моќ која ретко е во рацете на новинарите, сакаат да ти ја земат и скратат.
Клеменс Која за МИА: Жените, децата, лицата со попреченост, маргинализираните и раселените најпогодени од коронарестрикциите.
Мицкоски и ВМРО-ДПМНЕ бегаат од избори, им пропаднаа сите срамни обиди државата да не успее. За време за здравствената и економска криза, граѓаните прават јасна разлика помеѓу одговорно и неодговорно однесување, велат од СДСМ.
Пејачката Александра Јанева за време на карантинските денови заедно со 25 млади музички таленти направи нова верзија на синглот „Еве ме пак“.
Британскиот премиер Борис Џонсон откри дека лекарите се подготвувале да прогласат негова смрт кога му се влошила состојбата додека минатиот месец на интензивна нега се бореше против коронавирусот.
Во Косово вчера се потврдени десет нови случаи на заболени од Ковид-19, со што продолжи позитивниот неколкудневен тренд на помалку заболени одошто излекувани од Ковид-19.
Самоубиство поради коронавирусот и поплаки од челенови на семејството во првиот месец од пандемијата. Еден случај од самоубиствата кој е регистриран во Штип е поврзан со Ковид-19. Лицето како причина за самоубиството во последната порака ја посочило расправијата со сопругата околу коронавирусот. Во истиот период регистрирани се и девет обиди за самоубиство за кои досега не е утврдено дека се поврзани со вирусот.
Во моментов во земјава се активни 572 случаи на заболени лица со корона вирус. Досега се излекуваа 852, а починаа 82 лица. Од извршени 16.997 беа потврдени 1.506 позитивни случаи на Ковид-19. Во шест градови, во Дебар, Радовиш, Гевгелија, Струмица, Пробиштип и Демир Хисар нема повеќе активни случаи со коронавирус.
