ЕЛИДА ЗУЛБЕАРИ, новинарка, за Цивил Медиа
Слободата на медиумите е основен услов за квалитетното и професионалното новинарство. Ако еден новинар не е слободен, едноставно, не може да се каже дека работи новинарство туку пропаганда, или друг облик кој не припаѓа на новинарството.
Новинарите се како птиците, ако немаат крилја да летаат слободно, ќе се заглават во кафезот на диктатурата.
Демократијата во една земја не се мери за џабе со нивото на слободата на медиумите. Затоа, главата горе и не дозволувајте да ви се загрози слободата.
