Ве повикувам медиумиве да ги видите изјавите на Сенаторот Џејмс Риш, кој што го бранеше предлогот, неговите формулации кои ги употреби за успехот државата, за историското важење, за визијата и за храброста на премиерот Заев и на премиерот Ципрас, да се склучи Преспанскиот Договор кој што е темел и модел подобрување на односите помеѓу соседите во регионот и кои што му овозможи на нашата држава полноправно членство во НАТО, постапка која е пред самти крај, изјави Дане Талески, национален координатор за НАТО вечерва во Топ тема на Телма ТВ.
Кога ќе заврши ратификацијата на протоколот во Холандија, Шпанија, Исланд и Франција, појасни Талески, може да се смета дека ние сме следната 30-та полноправна членка на НАТО. Ратификацијата на членството во НАТО ќе заврши со потпишување на Вашингтонскиот договор во македонското Собранието.
„Со одлуката која што е направена, нефер и самите лидери на ЕУ карактеризираа како историска грешка. Нас ни е направена голема неправда, и тоа е факт. А ќе има, а не може да има од тоа добри последици по нас, но дел од лошите последици ние ќе успееме да ги пребродиме токму заради полноправното членство од НАТО, кое го донесе Преспанскиот договор. Преспанскиот договор е најдоброто нешто што можеше да го постигни ова држава со Р. Грција, имајќи ги во предвид контекстот и условите во кои се зафативме да преговараме“ рече Талески во Топ тема.
„ЕУ не успеа да донесе одлука, не по наша вина, вината е кај нив. Ние ги испорачавме сите работи коишто беа барани од нас.“, рече Талески во Топ тема.
Според него, сè што беше потребно од реформите оваа Влада го испорача. Тоа е признанено и потврдено од сите и јасно стои во Извештаите. Сега тоа што се случува во ЕУ, намалениот апетит за проширување е внатрешен проблем на Унијата. Ние сега сме во оваа ситуација затоа што граѓаните и државата загубија 11 години поради ВМРО ДПМНЕ и Никола Груевски.
„Во една ситуација на државата, раскарана со сите соседи, окарактеризирана како заробена држава, излегувајќи од еден авторитарен режим коишто успеа комплетно да ги разруши сите безбедносни институции и да ги стави под контрола неколку луѓе за политички инструментализација. Значи, при едни такви услови за две години вие да направите таков квалитетен исчекор, да добивате квалификации од страна на Европските лидери дека сте пример коишто треба другите да го следат. Да успеете да го запишете македонскиот јазик , македонско државјанство за да ја комплетирате личната карта во ОН…членството во НАТО ни помага ние да ја зајакнеме нашата стабилност и безбедност, не само нашата домашна како држава, туку и во рамки на регионот да имаме шанси да бидеме еден од темелите на безбедносната инфраструктура“, рече Талески.
Илија Димовски пак, шеф на парламентарната делегација во НАТО потенцираше дека Преспанскиот договор е со катастрофална содржина, но сепак тој се гордее што, како што рече, неговата партија е прва која се залагала за влез во НАТО.
