По пристигнување и на последните резултати од тестирања за коронавирус во приватните здравствени установи, министерот за здравство, Венко Филипче ги соопшти целосните статистики и промени во состојбата со коронавирусот кај нас. Од спроведени 885 тестови, денес се евидентирани нови 76 случаи на Ковид-19, од кои 52 се во Скопје.
Во последните 24 часа се направени 885 тестирања, а регистрирани се 76 нови случаи на ковид-19.
Денеска Институтот за јавно здравје регистрира 26 оздравени пациенти.
Во ГОБ „8 септември“ почина пациентка од Струга (56г) примена во болницата на 21 мај како сомнителна на ковид, потврдена позитивна по прием во болница.
Досега во земјата се направени вкупно 31.187 тестирања на ковид -19. Од вкупниот број направени тестови во изминатото деноноќие 127 теста се во рамките на скринингот. Тестовите се направени во градинки во Скопје и геронтолошки установи и не се потврдени позитивни случаи на ковид-19.
Вкупната бројка на ковид дијагностицирани во нашата земја од почетокот на епидемијата изнесува 2391, бројката на оздравени пациенти е 1595, на починати е 141, а во моментов бројот на активни случаи во земјата изнесува 655.
Се извинуваме поради доцнењето на денешната статистика со состојбата со коронавирусот, до овој момент се чекаа податоците од приватна лабораторија, напиша министерот Филипче во пост на Фејсбук.
А. Н. С.
