ТИМОВИ на ДИК деновиве ги проверуваат просториите каде што се извршува гласање, се со цел обезбедување на содветните безбедносни и здравствени мерки за заштита од Ковид-19 за време на предвремените парламентарни избори на 15 јули.
МИНИСТЕРКАТА за одбрана, Радмила Шекеринска на денешната промоција на новите униформи за припадниците на Армијата, во скопската касарна „Илинден“: Вака ја личи Армијата – со нови униформи. Честитки!
ШЕФИЦАТА на канцеларијата на СЗО кај нас, Џихан Тавила ја пофали транспарентноста на Министерството за здравство за точно и навремено пласирање на информациите за состојбата со коронавирусот и нагласи дека апсолутно не е точно дека имаме најголема стапка на смртност во регионот.
ОБЈЕКТИТЕ за трговија на мало се должни да обезбедат посебно обележани рафтови или пак да ги обележат македонските производи со ознаката „Купувам домашно“ со цел корисниците на домашните платежни картички да можат полесно да ги препознаат.
Во ИСТРАЖУВАЊЕ на Балканската истражувачка репортерска мрежа (БИРН) се наведува дека од 19 март до 1 јуни од Ковид-19 во Србија починале 632 лица, додека официјално беше објавено дека во тој период има 244 смртни случаи.
ДОДЕКА СДСМ прави сѐ за заштита на здравјето на сите граѓани, ВМРО-ДПМНЕ и Христијан Мицкоски свесно и намерно ги кршат сите протоколи и мерки за заштита од вирусот и го доведуваат во опасност здравјето на граѓаните.
ВЛАДАТА даде согласност на измените на Правилникот за висината на надоместокот за извршените работи на Државниот инспекторат за земјоделство, со кои се олеснуваат условите и се намалува надоместокот за упис во регистарот на производители на вино за физички лица и мали винарски визби.
СЕВЕРНА Македонија станува дел од ревидираната Европска конвенција за кинематографска копродукција, во која покрај членките имаат право да земат учество и земјите кои не се дел од Европската Унија, а имаат потенцијал и кадар за работа на интернационални проекти.
Во СЕДУМ општини во Србија е воведена вонредна состојба поради надојдените реки по обилниот дожд, изјави претсавникот на српското Министерство за внатешни работи, Горан Николиќ.
ГЕРМАНСКАТА полиција утрово спроведува рации во куќи кои наводно ги користат ултрадесничарски групи, кои германските власти ги прогласија за екстремистички.
A. Н. С.
