Времето ќе биде облачно со врнежи од дожд, кои во западните делови ќе бидат пообилни (локално над 20л/м2). Во вечерните часови врнежите ќе престануваат, а облачноста ќе се намали. Ќе дува умерен до засилен ветер од јужен правец, објави УХМР, а пренесе МИА.
Утринската температура ќе се движи од девет до 14, а дневната од 11 до 19 степени.
Во Скопје претежно облачно со слаби врнежи од дожд. Утринската температура ќе се спушти до 11, а дневната ќе се искачи до 17 степени.
Во вторник и среда ќе настапи стабилизирање на времето со пораст на дневната температура. Од четврток повторно ќе биде променливо облачно со локален дожд.
