За паранојата на Македончето. Во конкретниов случај не кое било рандом Македонче од улица, туку личност која по своја прилика е една од неколку глобално најуспешни припадници на академската фела од областа на општествените и хуманистичките науки.
Значи, читаш нечија опсервација дека денешниот број на вкупно заразени од корона е нешто помал од збирот на вкупно заразени пред 2-3 недели, плус новите случаи од тогаш. Нешто – помал за 1,5% од бројот на нови случаи, односно 3 ПРОМИЛИ од вкупната бројка. Авторот на информацијата мисли дека тоа е резултат на лоша математика (не е, си има фино објаснување, ама тоа не ти е познато во моментот)
И, што ти текнува да предложиш како можно објаснување на несогласувањето?
Дека власта намерно ги пумпа бројките на заразените, за да има оправдание да воведе нови драстични мерки, вонредни состојби и слично.
Колку е кретенски да кажеш такво нешто? Еве колку:
1. Го имаш целото досегашно искуство со короната во Македонија, во која од една страна имаш максимална транспарентност и ниту еден познат случај на лажење/прикривање од страна на власта, а од друга страна имаш елементи на куроболие за спроведување и на сегашните мерки, а не па поострување на истите. И ти пак мислиш дека „подготовка на народот за диктатура“ е разумно можно објаснување за неусогласеноста на бројките
2. Ај што се подготвува народот за диктатура преку драматизација, тоа се прави со пријавување на 1 до 2 фиктивни заразени на ден. Т.е. народот нестресен поради 130 заразени во денот го стресуваш со информација за 132 дневно заразени
3. Иако подготовката за диктатура е така софистицирана што дотогаш никој не забележал нешто сомнително (гласини дека бројките во даден град биле помали од пријавените, измени во односот со новинарите, итн.), сепак диктатуро-заговорниците се заебуваат така што во збирот на вкупно заразени влегуваат реалните бројки, а не овие фризираните, со што на светлина доаѓа целиот ѓаволски план…
И тоа драги читатели ви е добра илустрација за нивото на здрав разум кој стои позади многу од паламудењата кои со долги грчкоримски зборови ви објаснуваат како реалноста која ја доживувате не е таа, што треба да се случува во општеството, што вие треба да мислите или правите…
Фејсбук пост на Петар.
