Тренерот на Париз Сен Жермен, Томас Тухел го истакна искуството на Баерн (Минхен) пред денешното финале во Лигата на шампионите во Лисабон.
Според Тухел, ова е предност, но тоа нема да биде пресудно, бидејќи во неговиот состав има играчи, кои веќе го освоиле трофејот во своите кариери.
– Баерн е во феноменална форма. Тимот е мешавина од млади и гладни играчи, како и искусни играчи, калени во многу турнирски битки. Нашиот тим има и играчи кои веќе го освоија трофејот. Многу зборувам со Кејлор Навас, Анхел ди Марија и Нејмар, кои го кренаа трофејот во Лигата на шампионите. За Баерн е позната предност што се навикнати да учествуваат во вакво финале, но тоа веројатно нема да биде пресудно, прокоментира Тухел.
Тој откри и дека италијанскиот играч од средниот ред Марко Верати е подготвен да игра, иако има болки.
За Навас, одлуката ќе биде донесена во неколку часови пред натпреварот./МИА/
