Руското Министерство за надворешни работи денеска го повика словачкиот амбасадор во Москва, Петер Припутен, да му предаде нота во која се бара тројца словачки дипломати да ја напуштат Русија.
Станува збор за реципрочна мерка по неодамнешното протерување на тројца руски дипломати од Братислава, се наведува во соопштението на руското Министерство за надворешни работи.
„Ние го гледаме овој непријателски чин на словачката влада како кршење на духот на традиционалните, конструктивни односи меѓу нашите две земји“, се наведува во руската нота.
Словачкиот премиер Игот Матовиќ оцени дека првичната одлука на словачките власти е донесена во врска со убиството на Грузиецот Зелимкан Кангошвили, минатата година во Берлин.
