Социјалдемократскиот сојуз со реакција за организираниот протест предводен од Мицкоски кој денес се одржа во главниот град. Од партијата остро го осудуваат овој чекор, и тоа во време кога државата се соочува со есенски бран од пандемијата со коронавирус. Со тоа, како што велат од СДСМ, Мицкоски го загрозува здравјето на сопартијците, но и јавното здравје.
За да ја спаси фотелјата во белиот дворец, губитникот Христијан Мицкоски го загрозува здравјето на сопартијците, но и јавното здравје.
Во време кога државата се соочува со есенски бран на коронавирусот, Мицкоски без срам организира собири, лицемерни протести на кои не се почитува мерката за задолжителна дистанца, а мерката за задолжително носење заштитна опрема, масовно се прекршува.
Таквото крајно неодговорно, себично, незрезло и несовесно однесување не е ништо ново од Мицкоски, тој и во време на забрани и вонредна состојба ширеше лажни вести, ги прекршуваше мерките и задолженијата и се обидуваше истите да ги прикрие.
На Мицкоски не му е важно здравјето на граѓаните, воопшто нее загрижен за состојбата со коронавирус, негова единствена цел е да ја зачува фотелјата во белиот дворец по секоја цена иако пред јавноста вети дека ќе даде оставка ако не победи на изборите и не формира влада.
Заради лицемерниот однос, заради дејствувањето против здравјето и интересите на граѓаните, Мицкоски три пати губи на избори и уште долго ќе остане во опозиција, стои во соопштението до јавност на страната на СДСМ.
Д. Е.
