Откако српските медиуми известија дека во Србија е воведена нова мерка за обавезно носење на маски и на отворено, а преку Македонската информативна агенција (МИА) таа вест ја пренесе и Фронтлајн, со наслов – Нова мерка во Србија: Сите граѓани мора да носат заштитни и маски и на отворено, настана конфузија во јавноста во Србија, па следи допрецизирање на изјавата на епидемиологот д-р Дарија Кисиќ Тепавшевиќ, која подоцна објасни дека не е задолжително носење маска на отворено, но дека тоа е препорака на професијата, пренесуваат српските медиуми.
Епидемиологот д-р Дарија Кисиќ Тепавшевиќ на вчерашната прес-конференција на Кризниот штаб на Србија за сузбивање на КОВИД-19, повтори дека заштитните маски се најефикасната мерка во борбата против коронавирусот и дека носењето маски е задолжително во сите затворени простории или кога не можете да се обезбеди доволно физичко растојание.
„Маските се задолжителни во сите затворени простории и на отворено ако чекате на ред и не можете да држите растојание од повеќе од два метра од друго лице“, мораше повторно да објасни Дарија Кисиќ Тепавшевиќ.
Конфузија околу обврската да се носи маска на отворено се појави после нејзиното изјаснување по седницата на Кризниот штаб, на која се разговараше за нови мерки, , пренесува Неделник.рс.
„Во согласност со тоа, донесена е одлука за пред сè заострување на сите претходни мерки, во смисла на контрола на нивното спроведување. Границата на собири до сега беше до 30, но имаше примери практично во сите градови дека беа организирани разни прослави и собири. Од денес, на локалните самоуправи им е забрането да дозволуваат ваков вид собири. Следната важна работа е дека сите треба да носиме маски постојано, и во секоја прилика, вклучително и отворени простори “, рече Кисиќ Тепавчевиќ.
Д-р Кисиќ Тепавчевиќ подоцна објасни дека не е задолжително носење маска на отворено, но дека тоа е препорака на професијата, на денешната прес-конференција да се носат маски на отворено, ако не постои можност за физичко растојание.
„Исто така, апсолутно е професионална препорака да се носат маски на отворено. Не ни требаат законски одредби, но важно е да се зачува здравјето на граѓаните. Маските треба да се носат и на отворено, особено во пешачки зони, каде има голема фреквенција на луѓе “, рече д-р Кисиќ Тепавчевиќ.
Таа истакна дека многу земји воведоа задолжително носење маски на отворено и дека мерката има ефекти.
Се проценува дека 60 проценти од населението носи маски во тоа време, рече д-р Кисиќ Тепавчевиќ.
Ј. Ѓорѓиоски
