ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ПОЛИТИКА

Апсурдни се барањата на Захариева и официјална Софија дека македонскиот народ и јазик имаат бугарски корени, сметаат експертите

November 2, 2020 08:33
in ДЕНЕС, ПОЛИТИКА
Share on FacebookShare on Twitter

Во очекување на финален договор за преговарачката рамка за Северна Македонија, која е чекор кон одржување на првата меѓувладина конференција за старт на преговорите за членство на земјава во ЕУ, меѓународните експерти со оценка за апсурдноста на условите кои доаѓаат од официјална Софија.

Австрискиот политички аналитичар и директор на тинк-тенкот Европската иницијатива за стабилност, Гералд Кнаус, оценува дека доколку не се најде решение за најавата на Софија за блокада на пристапните преговори на земјава, ЕУ ќе го загуби кредибилитетот на политиката за проширување, што би било трагично за Унијата, за Северна Македонија и за Бугарија.

– Ако не се реши ова, кредибилитетот на политиката за пристапување во ЕУ ќе се распадне во 2020 година, под германското претседателство со ЕУ. Во време на веќе огромна нестабилност околу ЕУ, оценува австрискиот експерт за Западен Балакан.

Барањето на Софија и на шефицата на дипломатијата Екатерина Захариева Скопје да признае дека македонскиот народ и јазик имаат бугарски корени, тој го оцени како апсурдно.

– Замислете Германија да инсистира „Австрија да ги признае германските корени“, заканувајќи се со „тензии“ ако не го стори тоа. Шведска да ѝ го прави тоа на Норвешка. Чесите ова да им го кажат на Словаците. Апсурдно? Да! Тоа е она што го прави Бугарија, уривајќи го кредибилитетот на политиките на ЕУ за Балканот, пишува Кнаус на неговиот Твитер налог.

Захариева минатиот петок во интервју за Ројтерс изјави дека Бугарија не го оспорува правото на Република Северна Македонија на самоопределување, ниту правото да го нарекува својот јазик како што сака и дека Софија е подготвена да ја потврди сегашната реалност, но Скопје „треба да ја признае историската вистина“.

– Нашата загриженост е поврзана со постојаните тврдења на РСМ кон македонско малцинство во нашата земја. Ако тие ги препознаат корените на нивната нација и јазик, ова ќе заврши, додаде таа.

Ваквата изјава на Захариева викендот ја осуди Македонското друштво „Илинден“ од Тирана.

– Македонците во Албанија изјавата на министерката Захариева ја осудуваат и ја сметаат за несоодветна и недолична. Недозволливо е висок државен функционер, како министер за надворешни работи, да ја злоупотребува позицијата за потценување на Македонците и Македонија. Во истоврме најостро ја осудуваме злоупотребата на правото на вето на Бугарија во Европската Унија, се наведува во реакцијата на друштвото „Илинден“.

Наредна можност за надминување на разликите, со Бугарија пред одржувањето на Советот на ЕУ на почетокот на ноември, е средбата на шефот на дипломатијата Бујар Османи со неговата колешка Захариева в четврток во Софија на настанот „Западен Балкан по 2020: Акции и одлуки во време на пандемија“, на кој ќе се обрати и еврокомесарот за соседска политика и проширување Оливер Вархеји.

– Се обидуваме да најдеме начин да се видиме. Сигурно, да не беше пандемијата досега ќе се гледавме неколку пати, иако ние сме во постојана комуникација со министерката. Се надевам дека следната недела ќе се обезбеди формат да седнеме и да разговараме, бидејќи навистина се ближат деновите кога Советот треба да донесе одлука, изјави Османи во петокот.

Во однос на работните групи на двете министерства кои, како што рече, комуницираат на дневна основа во рамки на ограничувањата што ги наметнува пандемијата, направени се конкретни исчекори. Според него, навистина би било штета да не се искористи наметнатата динамика и во односите меѓу политичарите и во комисиите.

– Се разговара отворено за сет на прашања за кои сметаме дека има простор да се олеснат одредени загрижености на двете страни во овој процес. Да се објаснат различните очекувања и различните пристапи, изјави Османи. /МИА/

Next Post

Би-Би-Си: Принцот Вилијам имал Ковид-19 во април

Shortcut

Најново

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

Тутунари, не дозволувајте грешките при пакувањето и чувањето да ви го намалат откупот

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk