ПРВА ЛИНИЈА
No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
No Result
View All Result
ПРВА ЛИНИЈА
No Result
View All Result
Home ЕКОНОМИЈА

(ВИДЕО) Стартап совет: „Освежување” на регулативата, поедноставување на процедурите, поттикнување на иновативноста и задржување на младите дома

December 17, 2020 12:50
in ДЕНЕС, ЕКОНОМИЈА
Share on FacebookShare on Twitter

Потребни се законски измени кои ќе овозможат брз развој на стартап системот во земјава и негово природно развивање. Актуелната регулатива тоа не го овозможува. Делува ограничувачки и не ги следи проемните. Изминативе три години покажаа дека креирањето успешна стратап приказна веќе не е недостижна цел ниту за Северна Македонија. Голем број млади луѓе, основачи на сопствени бизниси, потврдија дека може да се успее и од домашна адреса, дека имаме капацитет за иновации, креативност и претприемништвото, беше речено на денешната прес-конференција што ја организираше Фондот за иновации и технолошки развој (ФИТР) по повод презентацијата на новоформираниот Стартап совет.

Целта на Советот е промена на политиките и редефинирање на тоа што е стартап, додека во фоксуот на  активностите ќе биде државата да се позиционира како региоанален стартап и иновативен хаб, како и да стане атрактивна дестинација за дигитални номади.

Претседател на Стартап советот ќе биде вицепремиерот за економски прашања, Фатмир Битиќи. Членови во оваа фаза се Анета Пешева од МАСИТ, Дејан Алексов од Стартап Македонија, како и Ѓорѓи Рафајловски, Стефан Митевски и Бистра Кумбаровска од стартап заедницата.

Стартап советот останува отворен за сите кои ќе сакаат да се вклучат со свои идеи за да дадат конкретен придонес.

-КОВИД кризата не научи многу брзо да се менуваме и да дејствуваме. Нашата цел е да ја искористиме кризата за да ја трансформираме економијата, позиционирајќи ги стартапите како генератор на идниот економски развој. Си создадовме амбициозна агенда. Во првите 90 дена Советот ќе работи на план за промена на политиките, ќе редифинираме што е стартап, ќе ги лоцираме проблемите, ќе работиме на предлог-решенија и на законски измени, на поедноставување на административните процедури, на поголема едукација и отворање можности за вмрежување на македонските стартапи и развој на стратегија за социјално претприемништво. ФИТР поддржува над 300 стартап компании претежно основани од млади луѓе. Вложивме 28 милиноини евра од кои десет милиони се влог на компаниите. Овие бројки се доказ за потенцијалот за иновации, за креативноста и претприништвото. Но, тие се и мотивиација поддршката да ја подигнеме на ново ниво, рече директорот на ФИТР, Коста Петров.

Според претседателот на Стартап Македонија, Дејан Алексов, законите треба да ги постават рамките што ќе овозможат раззој на технологијата и на бизнисите.

-Дел од нашите законски одредби делуваат ограничувачки во овој поглед и не ги следат проемните. Очекуваме овој Совет да ја освежи таа регулатива која ќе ги следи потребите на стартап компаниите согласно со новот време, потенцира Алексов.

Претседателката на МАСИТ, Анета Пешева напомена дека Советот е одлична можност за задржување на младите, талентирани инженери дома.

-Нашата заложба е младите инженери што помалку да се иселуваат, а со овој проект ќе имаат можност да останат и тука да ја градат својата иднина, рече Пешева.

Кумбаровска, која е менаџинг партнер на компанијата Heartbeats Innovation & Communication со седиште во Виена,  оваа иницијатива ја гледа како исклучително битна можност за што поголемо поврзување на македонските стартапи во мрежи и со партнери и импакт инвеститори кои активно работат на „Целите за одржлив развој“ (SDGs).

– На тој начин, не само што ќе ја интернационализираме стартап заедницата туку ќе позиционираме и една нова приказна за Северна Македонија, која сметам дека веќе се пишува од страна на многу нови бизниси, жени претприемачи или и социјални претприемачи, порача Кумбаровска.

Директорот на ФИТР на прес-конференцијата најави отворање неколку регионални хабови преку трансфорација на постоечки државни објекти. Процесот ќе почне, како што рече, од Македонското село кое ќе се трансформира во стартап село. Ќе се организира и стартап самит, а ќе се воведат и стартап амбасадори.

Next Post

Спасовски со апел до оние што издаваат викендици за празниците: Ништо не е позначајно од тоа да се спаси живот

Shortcut

Најново

Неказнивоста не е пропуст, туку систем

November 21, 2026

„Ниту една повеќе!“ – Протести против насилството врз жените, обвиненија и барања за институционална одговорност

November 21, 2026

Сите сакаат да владеат со светот

November 21, 2026
Фотографија: Unsplash

Младите бараат образование наместо оружје: Протести против планот на ЕУ за 800 милијарди евра за одбрана

November 20, 2026
Јана Коцевска

Јана Коцевска: Родовото насилство е нормализирано, институциите не обезбедуваат вистинска заштита

November 19, 2026

НАЈЧИТАНО

  • ЛЕЛЕ, МАМО, КРИЗА Е!

    0 shares
    Share 0 Tweet 0
  • Уставниот „рекорд“ на Сиљановска-Давкова падна на проверката на фактите – ЦИВИЛ МЕДИА укажува на политичка манипулација со бројките

    0 shares
    Share 0 Tweet 0
  • Вест стара 59 години

    0 shares
    Share 0 Tweet 0
  • Мислете му ја!

    0 shares
    Share 0 Tweet 0
  • Спасовски: Изборот е направен, насоката е потврдена, продолжуваме по правиот пат во европска иднина

    0 shares
    Share 0 Tweet 0

© 2023 Frontline.mk

  • ЗА НАС
  • ИМПРЕСУМ
  • ПОЛИТИКА НА ПРИВАТНОСТ
  • МАРКЕТИНГ
  • КОНТАКТ

No Result
View All Result
  • ДОМА
  • ДЕНЕС
  • ПОЛИТИКА
  • ФРОНТ
  • ОПШТЕСТВО
  • СВЕТ
  • ЕКОНОМИЈА
  • МАГАЗИН
  • КУЛТУРА
  • СПОРТ
  • ЗА НАС
  • ИМПРЕСУМ
  • КОНТАКТ
  • МАРКЕТИНГ

© 2023 Frontline.mk