Според нацрт-законот, владата на Унгарија планира да формира Национален културен совет, на чело со министер, со задача „поставување приоритети и насоки што треба да се следат во унгарската култура“, пишува Ројтерс.
Министерот исто така би имал главен збор во назначувањето или разрешувањето на театарските режисери во институции кои се заеднички финансирани од државата и општината.
„Фундаментален услов е активности што спаѓаат под покровителство на овој закон, активно да ги бранат интересите на благосостојбата на нацијата“, се вели во законот.
Откако премиерот Виктор Орбан ја освои власта во 2010 година, неговата десничарска партија „Фидес“ го смени уставот на Унгарија, ја презеде контролата врз државните медиуми, и бизнисмените блиски до Орбан и партијата изградија империи.
Неговата влада честопати се судри со Европската унија околу, како што велат неговите критичари, постојана ерозија на демократските “checks and balances” во оваа централноевропската земја од 10 милиони луѓе.
Орбан честопати ги оспорува западните либерални табуа и откако победи на изборите во 2018 година, (негова трета по ред победа), направи големи промени, тврдејќи дека го има „мандат за градење нова ера“.
Неговите приврзаници побараа да се стави крај на, како што сметаат, доминацијата во унгарската култура на левичарско-либералните идеи. Орбан вели дека неговите изборни победи му даваат мандат да редефинира различни аспекти на националниот живот.
„Ерата е одредена од културните трендови, колективните верувања и социјалните обичаи. Ова е сега задачата со која се соочуваме: ние мора да го вградиме политичкиот систем во културна ера “, рече Орбан минатата година.
Портпаролот на владата во петокот потврди дека владата треба и ќе има повеќе ингеренции во работењето на театрите што делумно ги финансира. Тој рече дека неодамнешниот случај на сексуално вознемирување во театарот во Будимпешта ги поттикна неопходните измени бидејќи владата во моментов нема моќ да го разреши директорот на театарот.
Гергели Караксонија, либерален социолог избран за градоначалник на Будимпешта во октомври (редок неуспех за Фидес), на својата страница на Фејсбук напиша дека законот е чекор „во многу лоша насока“.
„Овој предлог ќе ја елиминира културната разновидност, што произлегува од слободата – што значи дека уметниците ќе се држат на политичка јамка“, рече Караксони.
Унгарското театарско друштво исто така издаде соопштение во кое се вели дека планот ќе ги намали уметничките слободи на неприфатлив начин.
Ј. Ѓ.
