пишува: РИБАРО
Почнува прво полувреме Русија-Данска. Данците актуелни светски и европски прваци во ракомет, а си ги пакуваат куферчињата од ЕП. Ама Данска е тоа вреди да се гледа,
Ми дрндаат нотификации на Фејсот. Го гледам линкот, кај Јоци ме носи и што да видам.
Геро пишал – Јоци ништо не разбрала. Јоци пишала – никој не разбрал а куп вмровски коментари под линкот од емисијата на Алфа каде гостувал Геро. Па одам реков сиер овде има, а мене како што ме дале не издржав и следам понатаму да видам што не разбрала Јоци а рекол Геро и каде им е недоразбирањето. Да поможам нешто ако се може, луѓе сме мајкуму.
И обрнете внимание – Она што не разбрала Јоци е следно што буквално рекол Геро во емисија на Алфа ТВ:
„Најинтересна за мене теорија е онаа во која Бојан Јовановски е инсталација на Никола Груевски во соработка со Вучиќ… И ако тоа е така немам намера да се сомневам во информациите на колегата кој ги обелоденува, веројатно има некои докази и потврди за тоа.“ рекол Геро за случајот Рекет, во емисијата на Алфа
Па го плеска Јоци со принтскринови од коментарите, а таму парам парче го прават вмровците Геро дека пак се отпревртил во ставовите, а таман го мислеле од нивна (смајли), и му вели Јоци:
„Ако ја не сум разбрала, драг Геро, и вмровциве под линкот на Алфа не те разбраа што зборуваше вчера дека Груевски бил организатор на ,,Рекет” и дека Боки се среќавал со него во Будимпешта?“
И станува мошне интересно, а ваму се сменуваат во водство Русија и Данска, па одам кај Геро да видам да не случајно Јоци си додава нешто. И што да видам – кај Геро во постот посветен на Јоци се јавува Јанко Јади бурек со коментар поддршка за Геро и му вели Јанко на Геро: „Геро, кому се правдаш? Поголем си од ова“. Бујрум „на ќутук“ принтови, ако не ми верувате:
Пред тоа Геро ја прашува Јоци за спонзорство. Па се јавува извесен Сашо кој е наводно некој автор на теоријата која вели дека Геро и Вучиќ стојат зад Рекет, пардон, каде вели дека Грујо и Вучиќ стојат позади Рекет.
После тоа Јоци пак плеска колумна посветена на Геро и го прашува: Нели јас за тебе бев Тања Торбарина по умот и острината и…
Замислете сето ова во само 24 часа. Па имаме не едно свртување на ставови и мислења од Геро, под ручна, ма тоа цели кругови, ма дрифтинзи, лизгања, салта морталиња во ставови, де како Грујо и Вучиќ се креатори на Рекет вели Геро, де дека не се и никој не го разбрал. Па пак имаме статуси, колумни и преписки од една, па од друга страна, па со поддршки од водителите во емисиите, каде Геро е радо виџен гост, па со тапшања од збунети посматрачи, ма пивтија направија сами од себе.
А кој беше овој Геро? Ако не ви текнува, тоа е оној Кики-фрики доајен, што се петели во негов замислен свет од тројца без двајца, дека ја дрма државава, а ваму сам се демантира три пати во 24 часа, па се расправа со цел свет, никој не го разбрал, а тој умен чепорок од човек не може да се помири дека останал несфатен. Шо да ви кажувам – мене толку ми ја направија вечерва, па ни ракометот не го изгледав раат, ама не жалам за тоа. Данците и онака си ги потспремија куферчињата уште попладнево.
Јоци не ја коментирам – не ја реметам, срцка ми е, ако ме нејќи, посебно сега дури доживува „Јоцијавление“, или како што вели и самата:
Јоцијавление.
Не знам што толку Геро се вознемири денеска, а толку многу љубов му пратив ❤❤❤
Како и да е, не знам што ќе се прави со славава…
И така, овие дрифтаат ли дрифтаат, сето ова во 24 часа. можеби и „ќе се земат на крајот“, којзнае, обично така одат овие работи.
И да, Данска тепа.
Сите права се задржани. УСЛОВИ ЗА КОРИСТЕЊЕ.
