Во Шпанија е потврден првиот случај на коронавирус на канарскиот остров Хомера, соопшти шпанското Министерство за здравство.
Вирусот е дијагностициран кај едно од пет лица кои се наоѓале во карантин, откако е откриено дека некои од нив биле во контакт со германски државјанин кој заболел од коронавирус, се наведува во соопштението.
Потврдата на Националниот центар за микробиологија доаѓа веднаш откако авион со група од 27 граѓани на ЕУ, евакуирани од Вухан, слетал во Мадрид.
Ниту еден од Шпанците кои се наоѓале во авионот нема симптоми на вирусот, но тие ќе останат 14 денови во изолација во воената болница во Мадрид.
Истовремено, во Германија е потврден седмиот случај на коронавирус кај работник во компанија во покраината Баварија, каде работат уште петмина кои претходно биле позитивни на тестот. Претходно вирусот е потврден кај дете на работник во истата компанија, што е шести случај во Германија.
