Градоначалникот Шилегов и главниот инспектор на Град Скопје, Мирослав Богдановски, денеска, обелоденија скандал со ужасна содржина која треба да го вклучи алармот на другите институции. Преку објавените видеа и фотографии јасно се гледа неодговорното и несовесно постапување со медицински отпад каде што кучиња скитници јадат човечки остатоци и крв што истекува во атмосферската канализација и се влева во реката Вардар.
Ова излагање на градоначалникот Шилегов се надоврзува на текстот со наслов „Аларм: Кучиња скитници се хранат со медицински отпад, крвта истекува во Вардар“ што вчера го објави Нова ТВ и ја вознемири јавноста.
Фирмата „Еко Клуб“ која се спомнува во текстот од Арсиќ е во сопственост на Сашо Јанакиевски.
Од она што може да се прочита во текстот, кој се повикува на истражувањето на ИРЛ се вели дека новинарите од ИРЛ откриле поврзаност на доминантниот сопстевник на „Еко Клуб“ Сашо Јанакиевски со власта на ВМРО ДПМНЕ, особено со Груевски и неговиот заштитник, Виктор Орбан. Во истражувањето на ИРЛ се наведува: „ Еко Клуб“ добро се снајде при локални јавни набавки. Во текот на изминатите десет години, има освоено околу 300 тендери во Северна Македонија, во периодот кога премиер на земјата беше Никола Груевски, сојузник на Виктор Орбан, кој подоцна доби статус на азилант во Унгарија.
„Според веб-страницата на „Еко Клуб“, компанијата работи од 1990 година, нудејќи разни комунални услуги, вклучувајќи собирање отпад, чистење канализација, управување со болнички отпадоци, чистење мобилни тоалети и одржување на јавно осветлување. Најголем сопственик на компанијата е Сашо Јанакиевски, кој е почесен конзул на Унгарија акредитиран во Битола од 2012 година. Подоцна, тој стана и директор на унгарската трговска куќа во Скопје.„ се вели во текстот. И проверките што ги направи Нова ТВ потврдуваат дека Јанакиевски има тендери кои вредат над 10 милиони евра.“, се вели во текстот на Нова ТВ
Фотографиите се преземени од Фејсбук страната на Град Скопје
Ј. Ѓ.
