Четири месеци откако ја урна пералницата булеварот „Трета Македонска бригада“, Град Скопје денеска се пофали дека заврши голготата со овој објект, кој долги години навлегуваше во булеварот, и претставуваше опасност за возачите и пешаците.
Град Скопје кон средината на октомври минатата година, ја урна куќата која се наоѓаше на булевар „Трета македонска бригада“. Од Град Скопје тогаш рекоа дека објектот според имотен лист бил во нивна сопственост.
„Самиот објект, по имотниот лист е во сопственост на град Скопје, а до сега се водеше правна постапка за преeземање на владение на објектот. Градот Скопје, преку овластен извршител, достави решение до лицето кое живее таму за празнање на објектот и преземање на владение врз истиот. По поминување на сите рокови и исцрпување на сте правни инструменти за извршување на налогот, Градот закажа присилно иселување за денес, а сопственикот вчера доброволно го предаде објектот. Градот го презеде владението на објектот и доби решение од овластениот извршител“, информираа од Град Скопје.
Откако улицата беше проширена во булевар пред повеќе од четири години, пресечена е со времен објект, автоперална. Ексградоначалникот Коце Трајановски при пуштањето на булеварот кажа дека за објектот имало постапка за експропријација и затоа не можеле да ја урнат пералната, па булеварот во еден дел наместо две има една коловозна лента.
Б.Б.
