ПОМИНА нешто повеќе од еден месец кога во земјава беше регистриран првиот позитивен случај на корона вирусот. Според последните податоци потврдени се 259 случаи на коронавирус во земјава, шест смртни случаи и тројца излекувани. Според министерот за здравство Венко Филипче, зголемувањето на бројката на заразени е очекувано, но добро е што бројот на случаи се зголемува линеарно што значи дека здравствениот систем има капацитет да ги прими сите пациенти.
СИТЕ жители на Москва ќе мора од денеска да останат во домашна самоизолација, најави градоначалникот на Москва Сергеј Собјанин.
ПОДОБРО сите да стиснеме заби два месеца, со цел секој да може да има приход, отколку да се доведе во прашање генералната исплата на платите. Дури и државата да најде 1,2 милијарди евра преку кредити, една милијарда евра мора да се обезбеди од дома, преку заштеди. Затоа се неопходни овие мерки, меѓу кои намалување на платите на функционерите, но и на сите вработени во јавниот сектор до ниво од минималната плата од 14.500 денари, вели во интервју за Фактор претседателот на СДСМ Зоран Заев.
ТЕСТИРАЊЕ за коронавиросот од денеска во Скопје ќе се врши во Поликлиника Чаир, а до крајот на неделава и во Поликлиниката „Млин Балкан“. Уште два пункта ќе се отворат во другите градови во државата.
КРИЗИТЕ се време кога човечноста е ставена на тест. Ниту заболените од коронавирусот, ниту нашите сограѓани сместени во карантин не треба да бидат стигматизирани. Не смееме да дозволиме, објави на својот профил на Фејсбук синоќа министерот за здравство Венко Филипче.
ЛИЧНИТЕ карти и возачките дозволи од денеска ќе има можност да се достават на домашна адреса на граѓаните. Ова не важи и за пасошите за кои е потребно да се остави отпечаток на прст при подигање на документот.
СО воведувањето ограничувања за движење и активности поради коронавирусот, загаденоста на воздухот е намалена во урбаните области низ цела Европа, покажуваат денеска најновите сателитски слики.
ДРЖАВЈАНИ на Република Северна Македонија кои се пријавени за хуманитарните летови се очекува денеска да пристигнат во земјава со летови од Виена и Базел