Граѓаните ќе имаат бесплатен електронски пристап до објавените Уредби со законска сила во „Службен весник на Република Северна Македонија“ за време на вонредната состојба, информираат од ЈП Службен весник на Република Северна Македонија.
–ЈП Службен весник на РСМ ја информира јавноста дека за време на траењето на вонредната состојба, преку својата веб-страница ќе овозможува бесплатен електронски пристап до објавените Уредби со законска сила во „Службен весник на Република Северна Македонија“, се наведува во соопштението од ЈП Службен весник на РСМ.
„Почитувани претплатници,
Согласно Уредбата со законска сила за примена на Законот за објавување на законите и другите прописи и акти во „Службен весник на Република Македонија” за време на вонредна состојба, Ве информираме дека издавањето на службеното гласило „Службен весник на Република Северна Македонија“ и објавувањето на законите и другите прописи и акти во „Службен весник на Република Северна Македонија“ за време на траењето на вонредната состојба ќе се ВРШИ САМО ВО ЕЛЕКТРОНСКА ФОРМА.
Од таа причина на сите активни претплатници кои службеното гласило го добиваат во печатена форма, ќе им се овозможи непречен пристап до изданието во електронска форма како и пристап преку мобилната апликација за што е потребно во најкраток можен рок да ги доставите следниве податоци кои треба да бидат во согласност со бројот на претплати на печатеното издание:
– назив на фирма,
– име и презиме на корисникот,
– е-маил адреса.
Податоците пратете ги на следниот е-маил pretplata@slvesnik.com.mk
Телефон за контакт:
Централа – 02-55-12-400
Служба за претплата – 02-5512421; 02-5512422; 02-5512426; 02-5512427
Ви благодариме на разбирањето.“ – стои во соопштението на страната на Службен весник.
