Прераспределени повеќе од 6,5 милијарди денари од Буџетот за имплементација на економските мерки донесени за справување со кризата. Северна Македонија и Европската Комисија ќе потпишат Договор за заедничка набавка на лекови и медицинска опрема.
СДСМ: Официјалните податоци го демантираат Мицкоски. Христијан Мицкоски очаен за внимание денеска уште еднаш покажа дека не разбира економија и финансии, или пак свесно манипулира со бројките што е далеку поопасно.
Починат притвореник во затворот во Шутка позитивен на Ковид 19. Во моментов се прават епидемиолошки анкети на сите кои биле во близок контакт со него, по што ќе се преземат соодветни мерки, рече Филипче
Филипче: 20 пациенти се со потешка клиничка слика, седуммина во критична состојба. Во тешка состојба, приклучени на респираторна машина се и пет пациенти во болницата „8 Септември“.
Филипче во пресрет на верските празници: Со почитување на мерките да инвестираме во сопственото и колективното здравје.
Следната недела почнуваат подготовки за олабавување на мерките за движење. „Ова е тежок период, убаво е времето и навикнати сме надвор, но мора да издржиме, да се почитува забраната и за што пократко време да може да кажеме дека сè што сме направиле вредело“, рече министерот.
МВР: Лицата на кои им завршува државниот карантин викендов ќе може да заминат со претходна најава на лицата и возилата што ќе дојдат по нив. Полициските службеници имаат списоци на дневна основа кој граѓанин кога го напушта државниот карантин и тие ги најавуваат лицето и возилото кое ќе дојде по нив, велат од МВР.
Костова: Мизерна е таа лакомост на религиозните лидери, кои наместо да проповедаат мир, пропагираат угнетување на маргинализираните. Имаат ценовници и скапо ги наплаќаат своите „услуги“ на верниците, а за огромните приходи ниту еднаш немаат платено данок. Од МПЦ велат најголемите приходи ги правеле за време на Велигден. Тие приходи ги земаат од народот, а за истите не ѝ даваат ни денар на државата.
Исто постапува и ИВЗ и секоја друга религиозна институција што со децении го ужива „прогледувањето низ прсти“ на државата. Државата конечно треба да го регулира секој аспект од функционирањето и работењето на религиозните институции, особено финансискиот. Дури потоа може да се разговара за државна помош“, вели Костова во својата фесјбук објава.
