Граѓаните од 16 часот во продолжен викенд карантин. Забраната за движење на населението денеска почнува од 16 часот и ќе трае до понеделник до 5 часот. Со ова почнува 61 часовен карантин за сите граѓани на територија на целата држава. Согласно одлуката на Владата, а со цел спречување на ширење на коронавирусот, полицискиот час во текот на работните денови почнува од 16 до 5 часот, додека за време на викендите на граѓаните им е целосно забрането движењето.
Д-р Николов: Сограѓани помлади од 67 години, утре од 10 до 12 часот не одете во банки, маркети, отстапете ги за повозрасните! „Апелирам и замолувам, утре, петок, во периодот од 10.00 до 12.00 часот, да ги ослободиме сите маркети, сите банкарски филијали, сите пунктови за плаќање на сметки, за да можат нашите сограѓани, пензионерите(кои имаат над 67 години), во тој период, да си ги завршат своите обврски, да си ги испазарат намирниците, за да можеме сите Ние заедно и полесно да го поминеме полицискиот час, кој ќе започне од петок и ќе трае до понеделник наутро.
Мајката на четиримесечното бебе од Кочани нема Ковид-19. Се чекаат резултатите за таткото, кој е тестиран на 8 април. Според информациите добиени од Институтот за јавно здравје, четиримесечното бебе од Кочани беше тестирано на КОВИД-19 на 6 април, а резулатите биле готови на 7 април.
Манчевски: Апликацијата за справување со корона вирусот подготвена, нема допир со личните податоци.Успеавме да најдеме технолошко решение кое ќе го даде потребниот одговор на епидемиолозите со кого сме биле во контакт последните 14 дена, а притоа да не е инвазивно, да нема никаков допир со нашите лични податоци. Секој оној кој ќе ја симне апликацијата ќе му биде генериран сосема нов апликациски број (код) кој нема никаква врска со нас и нашиот датум на раѓање, мобилен телефон, матичен број, појасни Манчевски.
Шумски пожар на непристапен терен помеѓу Блаце и Горно Блаце, на Скопска Црна Гора. Во текот на вчерашниот ден екипи на Противпожарната бригада биле на терен и учествувале во гаснење на пожарот.Засега нема информација која е причината за избувнување на пожето. Се претпоставува дека шумата ја запалиле дрвокрадци.