Може се во право ОСФ кои својот „индекс на медиумска писменост“ првенствено го врзуваат со мерење на квалитетот на основното образование во земјава.
Штом дојдовме до тоа дереџе да мора по медиуми да се објаснува што е фреквенција или електромагнетен спектар, тоа значи дека голем дел од нашите сограѓани немаат усвоено НИШТО БИТНО од знаењата што би требало да ги добијат по физика после шесто одделение, или по биологија или било која друга наука.
Потребно ни е радикално реобмислување и реформа на образовниот процес не само за да се осовремени наставната програма за идните генерации ученици по училиштата, туку да им се овозможи на сите „петкаши“ чие ниво на знаење не е ни на ниво на повторувачи, туку на „кецаши“ да го научат она што требале да го научат во основно и средно, оти се однесува директно на нивните животи и одлуките што ги носат.
Да, одговорните медиуми како Portalb се фактор во таа борба, а написи како овој од Bardhyl за објаснување на основни поими вршат многу важна општествена функција.
Фактор е и приватниот сектор, кој не одбира да финансира медиуми што имаат образовна програма, туку оние кои имаат „кликови“. А нема поголем „клик бејт“ од дезинформациите.
Фејсбук пост на Филип Стојановски