САШО ОРДАНОСКИ, универзитетски професор, уредник и новинар, за Цивил Медиа.
Го одбележуваме 3 мај, Меѓународниот ден на медиумските слободи, во времиња кога повеќе не е така јасно што значи да се делува „меѓународно“, како да ги дефинираме „медиумите“, во карантински услови кога и на „слободата“ тешко ѝ се одредуваат хоризонтите…
Единствено ја знаеме разликата меѓу денот и ноќта, бидејќи ако падне мракот, целата дебата за што било е завршена. Затоа е важно да ја чуваме светлината на мислата и можноста таа јавно да се искаже, за да ја продолжиме дебатата за тоа како треба да изгледаат односите меѓу народите, каква е променетата природна на медиумите и како да се заштити слободата во нив, за да не прерасне во анархија и борба на секој против секого.
