Во ГОСТУВАЊЕ на Телевизија 24, Заев истакна дека Борисов го признава македонскиот јазик, а македонскиот јазик е составен дел и од Договорот за добрососедство со Бугарија.
ШЕФОТ на дипломатијата Никола Димитров, во вечерашното интервју за Топ тема на ТВ Телма, во врска со барањата од бугарска страна во Преговарачката рамка да нема македонски јазик и македонско малцинство вели дека невозможно е да се гради пријателство, ако го предизвикувате идентитетот на соседот.
РАБОТОДАВЦИТЕ што ќе користат помош за исплата на плати три месеци не смеат да отпуштат работници. Ваква измена на уредбата за субвенционирање на придонесите од задолжителното социјално осигурување донесе Владата на вчерашната седница.
По ЗАВРШУВАЊЕТО на денешната седница на Уставниот суд на Република Северна Македонија, судиите на работен состанок ќе расправаат по предлогот на судијата Осман Кадриу за поведување постапка по службена должност за оценување на уставноста и законитоста на Одлуката за распуштање на Собранието.
САЗДОВ Симон, универзитетски професор: За нашето јазично секојдневие.
НОВИНАРОТ и водител Мишко Иванов, кој ги интервјуираше лидерите на СДСМ и ВМРО-ДПМНЕ на ТВ 24, објави порака што ја добил од Фејсбук, која содржи вулгарности и говор на омраза.
ДИРЕКТОРКАТА на Инфективната клиника во Скопје, Милена Стевановиќ: Мислам дека веќе сме во период кога ризикот од наплив на голем број новоинфицирани пациенти го поминавме, но тоа не значи дека не треба и понатаму да се придржуваме до дадените препораки за заштита.
ЗАЕВ во емисијата 24 анализа: Се оградивме од Максим Димитриевски, бидејќи беше изречена санкција, а тој не ја почитуваше. Поради тоа што добил санкци, ова било режимска власт. Законот мора да важи за сите. Тој ми е другар, сопартиец но законот важи за сите. Ако Заев и Мицкоски биле дома во самоизолација, тогаш и Максим требало да ја почитува самоизолацијата.
УТРИНСКИ БРИФИНГ: Лидија Димова, директор на Национална агенција за европски образовни програми и мобилност: Пандемијата одложила многу проекти од европската образовна програма Еразмус+, а најпроблематични се оние што се заглавени во тек на реализација.
ШЕФОВИТЕ на држави и влади на ЕУ и на земјите од западен Балкан денеска ќе одржат видео самит на кој главна тема ќе биде помошта за кризата со корона вирусот.
Во КИНА денеска се пријавени два нови случаи на корона вирусот, додека провинцијата Хубеи, некогашно жариште на епидемијата, го одбележува 32-от ден без нов случај на оваа зараза.
ШВЕДСКАТА агенција за јавно здравје објави дека е можно случаи на корона вирусот во земјата да се појавиле уште во ноември минатата година.Сепак, според порталот „Локал”, Шведска во моментов не работи на утврдување кога се појавиле првите случаи во земјата.
Од НОВИОТ корона вирус досега во светот се излекувале 1.242.432 лица, а се намалува и бројот на заболени кои се критична состојба, кој сега изнесува два отсто.
ПРЕОДНА дестабилизација на времето се очекува денеска. Синоптичарите најавуваат облачно и посвежо време со повремени врнежи од дожд.
СООБРАЌАЈОТ се одвива по суви коловози, АМСМ препорачува прилагодена брзина на движење, почитување на поставената сообраќајна сигнализација, и особено внимание на патиштата низ клисурите, каде има можност од појава на одрони.
А. Н. Стојчевски
